Ўзбекистон Санитария-эпидемиологик осойишталик ва жамоат саломатлиги қўмитаси раҳбарияти ва АҚШ Касалликларни назорат қилиш ва олдини олиш марказлари (CDC) вакиллари ўртасида ҳамкорлик масалаларини муҳокама қилишга бағишланган учрашув бўлиб ўтди, деб хабар бермоқда қўмита матбуот хизмати.
Қайд этилишича, CDCнинг Шарқий Европа ва Марказий Осиё бўйича директори Чарльз Вайтек Санитария-эпидемиологик осойишталик ва жамоат саломатлиги қўмитаси раҳбариятига Ўзбекистонда амалдаги дастурлар билан ҳамкорлик учун миннатдорчилик билдирди ҳамда Ўзбекистонда “Ягона саломатлик” ва респиратор касалликлар йўналиши бўйича иш олиб бориш учун икки нафар CDC мутахассисини жалб этиш режалаштирилаётганини, улар амалга оширилаётган ишларни назорат қилишларини ҳамда тажриба алмашишларини таъкидлади.
Санитария-эпидемиологик осойишталик ва жамоат саломатлиги қўмитаси раиси ўринбосари Ботиржон Қурбонов фаолиятнинг барча йўналишларида қўллаб-қувватлагани учун CDC ташкилотига миннатдорчилик билдирди.
Учрашув сўнгида иштирокчилар бир-бирларига миннатдорчилик билдириб, ҳамкорлик қилишга тайёр эканликларини билдирди. Хорижий томон вакиллари лойиҳаларни амалга оширишда техник ва молиявий ёрдам кўрсатишга, шунингдек, манфаатдор соҳалар бўйича мутахассисларни жалб қилишга тайёрликларини маълум қилди.
Изоҳ (1)
Qachongacha bizni chet el mutaxasislari nazorat qiladi qachon bizning hech bolmasa talim tizimiZ karrupsiya botqogidan Holi bolib vijdonan ishledigan bilimli iqtidorli mutaxasis yetishtirib chiqaradi agar biz bugun bilimli iqtidorli yoshlarni yetishtirib chiqarishga sharoit yaramas ekanmiz bilinki bugun biz hech narsa qilmadik baland parvoz sozlar bn ozimizni aldashdan foyda yoq