Мактабгача ва мактаб таълими Ҳилола Умарова “Вазирга мурожаат” порталини ишга тушириш жараёни тўғрисида маълумот берди.
Қайд этилишича, март ойининг биринчи 10 кунлигида порталга 1200 дан ортиқ мурожаат келиб тушган. Унга соҳа ходимларидан ташқари ота-оналар, жамоатчилик вакиллари ҳам мурожаат қилмоқда.
Айни вақтда мурожаатларнинг сони бўйича Тошкент шаҳри, Қашқадарё ҳамда Тошкент вилояти етакчилик қилмоқда. Мурожаатларнинг:
- 21 фоиздан ортиғи таълим тизими бўйича таклифлар;
- 12 фоизи иш ҳақи, устамалар;
- 7 фоизи малака тоифаси учун аттестация ҳамда сертификациялаш;
- 9 фоизи мактабларнинг моддий-техник базаси, инфратузилмасини яхшилаш билан боғлиқ масалалар.
Вазирнинг маълум қилишича, 2023 йилда Ўзбекистонда:
- 57 та мактабгача таълим ташкилоти;
- 24 та мактаб;
- 6 та ихтисослаштирилган мактаб бинолари янгидан қурилади.
- 111 та мактабгача таълим ташкилоти;
- 206 та умумтаълим мактаблари;
- 3 та ихтисослаштирилган мактаблар реконструкция қилинади;
- 2 та мактабгача таълим ташкилоти;
- 9 та мактабнинг бино ва иншоотлари мукаммал таъмирланади.
“Бу фақат аниқ режаларимиз. Аммо йил давомида боғчалардаги тарбияланувчи ва мактаблардаги ўқувчи ўринларини янада кўпайтириш бўйича қўшимча имкониятлар яратиш устида ишлар давом этмоқда”, — деб ёзади вазир.
Изоҳ (0)