Rossiya harbiylari Sevastopol qirg‘oqlaridan taxminan 900 metr chuqurlikdan AQSHning MQ-9 Reaper droni qoldiqlarini topdi. Bu haqda Rossiya Mudofaa vazirligiga yaqin manbaga tayanib, ForPost xabar berdi.
Ma’lumotlarga ko‘ra, hozirda Rossiya harbiy-dengiz kuchlari AQSH harbiy-havo kuchlarini droni qulab tushgan hududda navbatchilik qilmoqda. MQ-9 Reaper maxsus suv osti roboti yordamida taxminan 850-900 metr chuqurlikda topilgan. ForPost manbasiga ko‘ra, yaqin atrofdan “Janubiy oqim” gaz quvurining chuqur suv tarmog‘i o‘tadi.
Eslatib o‘tamiz, 14-mart kuni Qora dengiz osmonida Rossiya samolyotlari AQSH dronini urib tushirgani haqida xabar berildi. Rossiya Mudofaa vazirligi esa bu ma’lumotni rad etib, holat bo‘yicha bayonot bergan. AQSH Departamenti esa Rossiya bilan muzokara olib borish kerakligini bildirdi. AQSH Qora dengizga qulagan droni “begona qo‘llarga tushmasligi” uchun zarur choralar ko‘rganini ma’lum qildi.
16-mart kuni AQSH harbiy-havo kuchlari qo‘mondonligi Rossiyaning “Su-27” samolyoti Qora dengizda AQSHning MQ-9 droni ustidan yonilg‘i to‘kkani aks etgan videoni namoyish qildi.
Izoh (0)