O‘zbekiston
O‘zbekiston aholisi Navro‘z bayramida ketma-ket besh kun dam oladi: 18, 19, 20, 21, 22-mart kunlari. Bayram tadbirlari 19-martdan 22-martgacha har kuni o‘tkaziladi.
Qozog‘iston
Keyingi hafta qozog‘istonliklar faqat ikki kun — dushanba va juma kunlari ishlaydi. Navro‘z bayrami munosabati bilan uch kun — 21, 22 va 23-mart kunlari dam olinadi.
Qirg‘iziston
Qirg‘iziston fuqarolari bayramda 4 kun dam olishi mumkin. “2023-yil uchun ishlab chiqarish kalendari va ish vaqtini tasdiqlash to‘g‘risida”gi hukumat qaroriga ko‘ra, davlat va shahar boshqarmalari, davlat budjetidan moliyalashtiriladigan va besh kunlik ish haftasi jadvali bo‘yicha ishlaydigan muassasa va korxona xodimlari 18–21-mart kunlari dam oladi. Shu sababdan, 20-mart dam olish kuni bo‘lib, qirg‘izistonliklar 29-aprel, shanba kuni ishlaydi.
Turkmaniston
Turkmanistonda Navro‘z bayrami ikki kun — 21 va 22-mart kunlari nishonlanadi, shu kunlari ishlanmaydi. Bayram 1992-yilda davlat maqomini olgan.
Tojikiston
Xalqaro Navro‘z bayramini nishonlash vaqtida tojikistonliklar 8 kun dam oladi. Xususan Tojikistonda aholi uchun 19, 20, 21, 22, 23, 24, 25 va 26-mart kunlari dam olish kuni hisoblanadi.
Izoh (0)