Pomidor sousi va piyoz qo‘shib tayyorlanadigan makaronli taom mazali ta’mga ega. Uni tushlikda yoki kechki taom sifatida tayyorlashingiz mumkin. Ko‘katlar taomning ta’mini yanada mazali qiladi.
.jpg)
Kerakli masalliqlar:
- makaron — 200-250 g
- tuz — ta’bga ko‘ra
- pomidor — 4-5 dona
- piyoz — 1 dona
- sosiska — 8 dona
- o‘simlik yog‘i — 2 osh qoshiq
- suv — 250-300 ml
- murch — ta’bga ko‘ra
Tayyorlanishi:
- Makaronni tuzli suvda taxminan 10 daqiqa qaynatib oling va qadoqdagi aniq pishish vaqtiga e’tibor bering.
- Pomidorlarni qaynoq suvga bir daqiqaga botirib oling. Keyin sovuq suv ostida yuving va po‘stlog‘ini tozalang.
- Pomidor va piyozni mayda qilib, sosiskalarni esa o‘zingizga yoqqan shaklda kesib oling.
- O‘simlik yog‘ini o‘rtacha olovda qizdirib oling. Piyozni yengil qizarguncha qovuring. Pomidor qo‘shing va 3-4 daqiqa davomida pishiring.
- Mahsulotlarning ustiga biroz iliq suv qulib, tuz va murch qo‘shing. Qaynagandan keyin bir yoki ikki daqiqadan so‘ng, sosiskalarni soling va vaqti-vaqti bilan aralashtirib, 5-7 daqiqa davomida pishiring.
- Makaronni tovaga soling va hamma narsani yana 3-4 daqiqa davomida pishirib oling.
Yoqimli ishtaha!
Izoh (0)