Kolbasa, pishloq va lavash xamiridan konvert shaklidagi yegulik tayyorlaymiz

Yegulikni bir necha daqiqada tayyorlash mumkin. Lavash xamiriga qo‘shilgan pishloq yegulikni yanada mazali qiladi. Unga o‘zingizga yoqqan ko‘katlarni ham qo‘shishingiz mumkin.

Kerakli masalliqlar:

• qattiq pishloq — 140 g;
• kolbasa — 70 g;
• yupqa lavash xamiri —1 dona;
• tuxum — 1 dona;
• tuz — 1 chimdim;
• o‘simlik yog‘i — 1 qoshiq.

Tayyorlanishi:

1. Kolbasa va pishloqni yupqa qilib to‘g‘rab oling. Pishloq bo‘laklari kolbasaga qaraganda ikki barobar ko‘p bo‘lishi kerak;
2. Lavash xamirini uncha katta bo‘lmagan bir nechta bo‘laklarga bo‘ling; 
3. Har bir xamir bo‘lagiga biroz pishloq, so‘ngra kolbasa va yana pishloq soling;
4. Xamir bo‘laklarini uchburchak shaklida qatlab oling. Mahsulotlar solingan qismi yopiq bo‘lishi kerak;
5. Tuxumga biroz tuz qo‘shib, sanchqi yordamida aralashtiring;
6. Konvert shaklidagi xamirni tuxum aralashmasiga botirib, 3-5 daqiqa davomida qizargunga qadar qovuring.

Yoqimli ishtaha!