“Daryo” nashri 15-martda O‘zbekiston va jahonda sodir bo‘lgan eng muhim voqealarni e‘tiboringizga havola etadi.
Guardian xabar qilishicha, Rossiyaning Su-27 samolyoti Qora dengizdagi havo hududida AQSHning MQ-9 Reaper dronini urib tushirdi.
AQSH Harbiy-havo kuchlarining Yevropa qo‘mondonligi “ehtiyotsizlik va noprofessionallik” deb atadi.
Rossiya Mudofaa vazirligi dron urib tushirilganini tasdiqlab, bayonot berdi ammo hodisa sabablari Rossiya versiyasida boshqacha ta‘kidlanmoqda.
“Bizning MQ-9 samolyotimiz Rossiya samolyoti tomonidan urib tushirilguncha xalqaro havo hududida normal operatsiyalarni amalga oshirayotgandi”, — demoqda AQSH generali Jeyms Xeker.
Rossiya Aerokosmik kuchlari qayd etishicha, dron parvozi transponderlar o‘chirilgan holda, havo hududidan foydalanishning vaqtinchalik rejimini buzib, Rossiya davlat chegarasi yo‘nalishida parvoz qilgan.
Keskin manyovrlar natijasida dron balandlikni yo‘qotib nazoratsiz parvozga o‘tdi va suv yuzasida to‘qnashdi. Rossiya qiruvchilari dron bilan aloqa qilmadi”, — deyiladi Rossiya bayonotida.
Hozirda AQSH va ittifoqchi samolyotlar qonunlarga muvofiq xalqaro havo hududida parvoz qilishda davom etadi.
Ayni vaziyatda qo‘mondon Xekker Rossiya ekipajining harakatlari “xavfli va noto‘g‘ri hisob-kitoblarga olib kelishini aytdi. Bu esa vaziyatning beixtiyor keskinlashuviga sabab bo‘ladi.
AQSH davlat departamenti bu borada Rossiya bilan muzokara olib bormoqchi va Rossiyaning Vashingtondagi elchisini ushbu hodisa tufayli departamentga chaqirgan.
Avstraliya, Buyuk Britaniya va AQSH harbiy ittifoqi doirasida Xitoydan himoyalanish uchun Avstraliyaga uchta yadro suvosti kemasini sotmoqda. San-Diego shahridagi harbiy-dengiz bazasida uch davlat yetakchilari uchrashuv o‘tkazdi.
Pekin Avstraliya, Buyuk Britaniya va Qo‘shma Shtatlar o‘rtasidagi harbiy ittifoq rejalarini agressiya deb baholashidan xavotirdamisiz, degan savolga Bayden buni inkor qilishini aytdi. Shu bilan birga, prezident yaqin orada Si Szinpin bilan gaplashmoqchi ekanligini aytgan.
AQSH 2030-yillar boshida Avstraliyaga Virginia sinfidagi uchta suvosti kemasini yetkazib beradi. Ular yadro bilan qurollanmaydi, balki atom elektr stantsiyasiga ega bo‘ladi. Agar kerak bo‘lsa, ularning soni beshtagacha oshirilishi mumkin. Avstraliya, shuningdek, 2027-yildan boshlab Amerikadan to‘rttagacha, Britaniyadan bitta suvosti kemalariga mezbonlik qiladi, bu esa Xitoyni yanada tiyib turish uchun qilinayotgan siyosat.
Rossiya va Xitoy 3 davlat ittifoqini bir necha bor tanqid qilgan. Ularning fikricha, ushbu texnologiyaning Kanberraga o‘tkazilishi Yadro qurolini tarqatmaslik shartnomasiga “katta zarar yetkazadi”.
Jenevada O‘zbekistonning JSTga aʼzo bo‘lish masalasi ko‘rib chiqilmoqda
O‘zbekiston Jahon Savdo Tashkilotiga a’zo bo‘lish harakatida davom etmoqda. 14—15-mart kunlari O‘zbekiston bosh vazirining o‘rinbosari Jamshid Xo‘jayev boshchiligidagi delegatsiya, Shveysariyaning Jeneva shahriga amaliy tashrif buyurdi.
O’zA xabariga ko‘ra, xalqaro tashkilot vakillari bilan bir qator uchrashuvlar o‘tkazilgan.
Hozirda JST bosh direktori O‘zbekiston hukumati tomonidan tashkilotga qo‘shilish maqsadida olib borayotgan saʼy-harakatini, yirik aʼzo davlatlar bilan ikki tomonlama muzokaralarni baholamoqda.
Eslatib o‘tamiz, Jenevada kun tartibidan o‘rin olgan O‘zbekistonning JSTga aʼzo bo‘lishi bo‘yicha Ishchi guruhning 6-yig‘ilishida, ikki kun davomida respublika savdo rejimining barcha jihatlariga taalluqli 10 dan ziyod yangi hujjat ko‘rib chiqiladi.
Mazkur tashkilot xalqaro tijorat uchun qulay huquqiy tizimni taqdim etadi.
Mamlakatimizning JSTga aʼzoligi YEOIIning monopoliyasiga tushib qolishning oldini oladi, deb hisoblash mumkin.
Bu a’zolik o‘z o‘rnida O‘zbekiston iqtisodiyotini ichki monopolistlardan qutqarib Xalqaro darajada erkin raqobat tizimiga olib chiqadi.
Izoh (0)