“Дарё” нашри 15 мартда Ўзбекистон ва жаҳонда содир бўлган энг муҳим воқеаларни эътиборингизга ҳавола этади.
Guardian хабар қилишича, Россиянинг Су-27 самолёти Қора денгиздаги ҳаво ҳудудида АҚШнинг МQ-9 Reaper дронини уриб туширди.
АҚШ Ҳарбий-ҳаво кучларининг Европа қўмондонлиги “эҳтиётсизлик ва нопрофессионаллик” деб атади.
Россия Мудофаа вазирлиги дрон уриб туширилганини тасдиқлаб, баёнот берди аммо ҳодиса сабаблари Россия версиясида бошқача таъкидланмоқда.
“Бизнинг МQ-9 самолётимиз Россия самолёти томонидан уриб туширилгунча халқаро ҳаво ҳудудида нормал операцияларни амалга ошираётганди”, — демоқда АҚШ генерали Жеймс Хекер.
Россия Аэрокосмик кучлари қайд этишича, дрон парвози транспондерлар ўчирилган ҳолда, ҳаво ҳудудидан фойдаланишнинг вақтинчалик режимини бузиб, Россия давлат чегараси йўналишида парвоз қилган.
Кескин манёврлар натижасида дрон баландликни йўқотиб назоратсиз парвозга ўтди ва сув юзасида тўқнашди. Россия қирувчилари дрон билан алоқа қилмади”, — дейилади Россия баёнотида.
Ҳозирда АҚШ ва иттифоқчи самолётлар қонунларга мувофиқ халқаро ҳаво ҳудудида парвоз қилишда давом этади.
Айни вазиятда қўмондон Хеккер Россия экипажининг ҳаракатлари “хавфли ва нотўғри ҳисоб-китобларга олиб келишини айтди. Бу эса вазиятнинг беихтиёр кескинлашувига сабаб бўлади.
АҚШ давлат департаменти бу борада Россия билан музокара олиб бормоқчи ва Россиянинг Вашингтондаги элчисини ушбу ҳодиса туфайли департаментга чақирган.
Австралия, Буюк Британия ва АҚШ ҳарбий иттифоқи доирасида Хитойдан ҳимояланиш учун Австралияга учта ядро сувости кемасини сотмоқда. Сан-Диeго шаҳридаги ҳарбий-денгиз базасида уч давлат етакчилари учрашув ўтказди.
Пекин Австралия, Буюк Британия ва Қўшма Штатлар ўртасидаги ҳарбий иттифоқ режаларини агрессия деб баҳолашидан хавотирдамисиз, деган саволга Байден буни инкор қилишини айтди. Шу билан бирга, президент яқин орада Си Цзиньпин билан гаплашмоқчи эканлигини айтган.
АҚШ 2030 йиллар бошида Австралияга Виргиниа синфидаги учта сувости кемасини етказиб беради. Улар ядро билан қуролланмайди, балки атом электр станциясига эга бўлади. Агар керак бўлса, уларнинг сони бештагача оширилиши мумкин. Австралия, шунингдек, 2027 йилдан бошлаб Америкадан тўрттагача, Британиядан битта сувости кемаларига мезбонлик қилади, бу эса Хитойни янада тийиб туриш учун қилинаётган сиёсат.
Россия ва Хитой 3 давлат иттифоқини бир неча бор танқид қилган. Уларнинг фикрича, ушбу технологиянинг Канберрага ўтказилиши Ядро қуролини тарқатмаслик шартномасига “катта зарар етказади”.
Женевада Ўзбекистоннинг ЖСТга аъзо бўлиш масаласи кўриб чиқилмоқда
Ўзбекистон Жаҳон Савдо Ташкилотига аъзо бўлиш ҳаракатида давом этмоқда. 14—15 март кунлари Ўзбекистон бош вазирининг ўринбосари Жамшид Хўжаев бошчилигидаги делегация, Швейцариянинг Женева шаҳрига амалий ташриф буюрди.
ЎзА хабарига кўра, халқаро ташкилот вакиллари билан бир қатор учрашувлар ўтказилган.
Ҳозирда ЖСТ бош директори Ўзбекистон ҳукумати томонидан ташкилотга қўшилиш мақсадида олиб бораётган саъй-ҳаракатини, йирик аъзо давлатлар билан икки томонлама музокараларни баҳоламоқда.
Эслатиб ўтамиз, Женевада кун тартибидан ўрин олган Ўзбекистоннинг ЖСТга аъзо бўлиши бўйича Ишчи гуруҳнинг 6-йиғилишида, икки кун давомида республика савдо режимининг барча жиҳатларига тааллуқли 10 дан зиёд янги ҳужжат кўриб чиқилади.
Мазкур ташкилот халқаро тижорат учун қулай ҳуқуқий тизимни тақдим этади.
Мамлакатимизнинг ЖСТга аъзолиги ЕОИИнинг монополиясига тушиб қолишнинг олдини олади, деб ҳисоблаш мумкин.
Бу аъзолик ўз ўрнида Ўзбекистон иқтисодиётини ички монополистлардан қутқариб Халқаро даражада эркин рақобат тизимига олиб чиқади.
Изоҳ (0)