AQSHning Texas shtatida ota-onasi tomonidan uyushtirilgan ziyofat chog‘ida uch yashar qiz to‘rt yoshli opasini tasodifan otib o‘ldirdi. Bu haqda CNN xabar berdi.
Politsiya ma’lumotiga ko‘ra, fojia sodir bo‘lgan vaqtda bolalar bir xonada yolg‘iz bo‘lgan. Ziyofat sababli uyda oilaning qarindoshlari va do‘stlari yig‘ilgan. Uch yashar qiz xonadan ota-onasining o‘qlangan qurolini topib olgan va tasodifan opasiga o‘q uzib, uni o‘ldirgan.
O‘q ovozini eshitgan kattalar xonaga kelib, boladan o‘qotar qurolni olib qo‘ygan. Ular zudlik bilan politsiya va tez yordamni chaqirgan. Biroq 12-mart kuni voqea joyida halok bo‘lgan yarador qizni shifokorlar qutqara olmagan.
“Bu yana bir bolaning o‘qotar qurol bilan odamga zarar yetkazishi haqidagi fojiali voqeadir”, — deydi politsiya.
Hozirda voqea yuzasidan surishtiruv ishlarini olib bormoqda. Prokurorlarning ta’kidlashicha, kattalarga nisbatan ayblov qo‘yiladimi yoki yo‘qmi, hozircha noma’lum.
Everytown Research & Policy notijorat tashkiloti tomonidan o‘tkazilgan tadqiqot shuni ko‘rsatadiki, 2015-yildan 2020-yilgacha AQSHda 18 yoshgacha bo‘lgan bolalar tomonidan tasodifiy o‘qotar quroldan foydalanishning 2 070 ta holati qayd etilgan. Ushbu hodisalar natijasida 765 kishi halok bo‘lgan va 1 366 kishi jarohat olgan.
Izoh (0)