Pentagon Amerika razvedka idoralari tomonidan to‘plangan Rossiyaning Ukrainadagi jinoyatlari haqidagi dalillarni Gaagadagi Xalqaro jinoiy sud bilan bo‘lishishiga to‘sqinlik qilmoqda. Bu haqda hozirgi va sobiq rasmiylar ma’lumotiga tayanib, The New York Times xabar berdi.
Nashrga ko‘ra, amerikalik harbiy rahbarlar sudga Rossiyani tergov qilishda yordam berishga qarshi. Chunki ular amerikaliklarni jinoiy javobgarlikka tortish uchun yo‘l ochishga yordam beradigan holat yaratishdan qo‘rqmoqda.
“Bayden ma’muriyatidan tashqari razvedka idoralari, Davlat va Adliya departamentlari dalillarni sudga taqdim etishni ma’qullaydi. Prezident Bayden haligacha boshi berk ko‘chadan chiqish yo‘lini topa olgani yo‘q”, — deyiladi xabarda.
Gap Xalqaro jinoiy sud bosh prokurori Karim Xon tomonidan bir yil avval Rossiya bosqinidan keyin boshlangan tergov haqida ketmoqda. Dalillar orasida Rossiya rasmiylarining fuqarolik infratuzilmasini ataylab nishonga olish va minglab ukrainalik bolalarni bosib olingan hududdan o‘g‘irlab ketish haqidagi qarorlari haqidagi materiallar mavjud.
Qayd etilishicha, 2022-yil dekabr oyida AQSH Kongressi sudga yordam berish bo‘yicha AQSH tomonidan qonuniy cheklovlarni o‘zgartirishga qaror qilgan. Biroq Jo Bayden ma’muriyatida yopiq eshiklar ortida AQSH buni qilishi kerakmi yoki yo‘qmi degan siyosiy munozaralar olib borilmoqda.
Aytilishicha, dalillar Xalqaro jinoiy sud bosh prokurori Karim Xon bir yil avval Rossiyaning Ukrainaga bostirib kirishi ortidan boshlagan tergovga oid tafsilotlarni o‘z ichiga oladi. Dalillar orasida Rossiya rasmiylarining fuqarolik infratuzilmasini ataylab nishonga olish va minglab ukrainalik bolalarni bosib olingan hududdan o‘g‘irlab ketish haqidagi qarorlari haqidagi materiallar mavjud.
Izoh (0)