Пентагон Америка разведка идоралари томонидан тўпланган Россиянинг Украинадаги жиноятлари ҳақидаги далилларни Гаагадаги Халқаро жиноий суд билан бўлишишига тўсқинлик қилмоқда. Бу ҳақда ҳозирги ва собиқ расмийлар маълумотига таяниб, The New York Times хабар берди.
Нашрга кўра, америкалик ҳарбий раҳбарлар судга Россияни тергов қилишда ёрдам беришга қарши. Чунки улар америкаликларни жиноий жавобгарликка тортиш учун йўл очишга ёрдам берадиган ҳолат яратишдан қўрқмоқда.
“Байден маъмуриятидан ташқари разведка идоралари, Давлат ва Адлия департаментлари далилларни судга тақдим этишни маъқуллайди. Президент Байден ҳалигача боши берк кўчадан чиқиш йўлини топа олгани йўқ”, — дейилади хабарда.
Гап Халқаро жиноий суд бош прокурори Карим Хон томонидан бир йил аввал Россия босқинидан кейин бошланган тергов ҳақида кетмоқда. Далиллар орасида Россия расмийларининг фуқаролик инфратузилмасини атайлаб нишонга олиш ва минглаб украиналик болаларни босиб олинган ҳудуддан ўғирлаб кетиш ҳақидаги қарорлари ҳақидаги материаллар мавжуд.
Қайд этилишича, 2022 йил декабрь ойида АҚШ Конгресси судга ёрдам бериш бўйича АҚШ томонидан қонуний чекловларни ўзгартиришга қарор қилган. Бироқ Жо Байден маъмуриятида ёпиқ эшиклар ортида АҚШ буни қилиши керакми ёки йўқми деган сиёсий мунозаралар олиб борилмоқда.
Айтилишича, далиллар Халқаро жиноий суд бош прокурори Карим Хон бир йил аввал Россиянинг Украинага бостириб кириши ортидан бошлаган терговга оид тафсилотларни ўз ичига олади. Далиллар орасида Россия расмийларининг фуқаролик инфратузилмасини атайлаб нишонга олиш ва минглаб украиналик болаларни босиб олинган ҳудуддан ўғирлаб кетиш ҳақидаги қарорлари ҳақидаги материаллар мавжуд.
Изоҳ (0)