Rossiyaning Sankt-Peterburg shahri Moskovskiy tumanida o‘zbekistonlik yigit yerda yotgan erkakni bosib ketdi. Bu haqda “78.ru” xabar berdi.
Ma’lum qilinishicha, hodisa 5-mart kuni soat 17:00 atrofida Obvodniy kanali qirg‘og‘idagi 86-uy yonida sodir bo‘lgan. 20 yoshli O‘zbekiston fuqarosi Lada Largus rusumli avtomashinani boshqarib ketayotib, ko‘chaning kirish qismida yo‘lda yotgan 61 yoshli erkakni bosib ketgan.
Jabrlanuvchi olgan tan jarohatlari tufayli voqea joyida vafot etgan. Mazkur fakt yuzasidan tergov harakatlari olib borilmoqda, hodisaning barcha holatlari aniqlanmoqda.
2-mart kuni Rossiyaning Sankt-Peterburg shahrida o‘zbekistonlik erkakni ikkita avtomobil urib ketgandi. Jabrlanuvchi olgan tana jarohati tufayli voqea joyida halok bo‘lgan.
Izoh (0)