Tayvan Qurolli kuchlari orolga yaqinlashib kelayotgan Xitoy xalq ozodlik armiyasining 24 ta samolyoti va to‘rtta kemasini qayd etdi. Bu haqda Tayvan mudofaa vazirligi saytidagi xabarda aytiladi.
“Soat 06:00 holatiga (Toshkent vaqti bilan 03:00) ko‘ra, jami 24 ta samolyot aniqlandi. Janubi-g‘arbiy tomondan Xitoy xalq ozodlik armiyasining 12 ta uchuvchisiz uchar apparat va jami to‘rtta kemasi Tayvan havo mudofaasining identifikatsiya zonasiga kirdi. Orol Qurolli kuchlari vaziyatni kuzatmoqda, aviatsiya, dengiz floti va yerdagi zenit-raketa tizimlari yuqori shay holatga keltirilmoqda”, — deyiladi xabarda.
Tayvan Mudofaa vazirligi aniqlik kiritishicha, 12 ta uchuvchisiz uchar apparat — harbiy dronlar, ko‘p maqsadli qiruvchilar va elektron razvedka samolyotlaridir.
1-mart kuni orol Qurolli kuchlari Xitoyning uch kemasi va 25 ta samolyotini aniqlagandi, ulardan 19 tasi janubi-g‘arbiy tomondan Tayvanning havo mudofaasini aniqlash zonasiga kirgan.
AQSH Vakillar palatasi spikeri Nensi Pelosining avgust oyida orolga tashrifi ortidan Xitoy va Tayvan o‘rtasidagi munosabatlar keskin yomonlashgan. Pekin Tayvanni o‘z hududi deb biladi va boshqa davlatlar rasmiylarining tashrifini orol mustaqilligini qo‘llab-quvvatlash sifatida ko‘radi. Pelosini Xitoy rasmiylari “Yagona Xitoy” tamoyilini buzganlikda ayblamoqda. Shundan so‘ng Pekin Tayvan bo‘g‘ozi hududida real o‘t ochish mashg‘ulotlarini boshladi.
Izoh (0)