19-20-mart kunlari “Hilton Tashkent City” mehmonxonasida birinchi xalqaro raqamli marketing konferensiyasi va 22 ta nominasiya bo‘yicha brendlar, agentliklar va raqamli kontent mualliflarini taqdirlash marosimi — “Digital Marketing Awards” o‘tkaziladi.
Butun biznes digitalga o‘tyapti. Bu — fakt. Shu sababli, reklama va marketing bilan bir qatorda, iste’molchilarga o‘z mahsulotlari va xizmatlarini izlashlari hamda foydalanishlari uchun eng qulay sharoitlarni yaratayotgan biznes vakillari tomonidan Internet makonining samarali qo‘llanilishi bo‘yicha eng yaxshi namunalarni muhokama qilish, qiyoslash va baholash muhim sanaladi.
Keyingi yillarda izlash tizimlari, ijtimoiy tarmoqlar, messenjerlar eng yaqin do‘stlarga aylandi va muloqotning boshqa shakllarining o‘rnini bosdi, deyish mumkin. dunyoqarashi ko‘p jihatdan internet-axborot va digital formatlar bilan shakllangan avlod shakllandi. Yuzaga kelayotgan tendensiyalar va biznes hamda, umuman jamiyat uchun istiqbollar haqida ochiq muhokamalar davri keldi.
Shu bilan birga, jahonda digital-marketingga bag‘ishlangan ko‘plab forumlar o‘tkazilishiga qaramay, Markaziy Osiyo mintaqasining o‘ziga xosligi, iste’mol madaniyati, biznes rivojlanishi va darajasi alohida e’tiborni, shu sohadagi xalqaro mutaxassislar bilan tajriba va fikr almashishni talab qiladi.
Forum — bu o‘z yutuqlarini ko‘rsatish, g‘oyalar va kirib kelgan yildagi rejalar bilan o‘rtoqlashish, bozor yetakchilarini tanish,o‘tgan yilda digital-metrika bo‘yicha forum sovrinini oladigan eng yaxshi loyihalarni ko‘rish imkoniyatidir.
Forum — mamlakatdagi brendlarning raqamli faoliyati va ilgarilatilishi borasidagi yangi imkoniyatlarga bag‘ishlangan birinchi eng keng ko‘lamli voqea bo‘lib, O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasi, O‘zbekiston marketing uyushmasi tomonidan, hamkorlar ko‘magida tashkil etilgan. Bugungi kunda forum Qozog‘iston, Qirg‘iziston, Rossiya, Norvegiya, Ukrainadan ko‘p yillik tajribaga ega va jahonning yetakchi brendlari bilan ishlovchi 20 dan ziyod spikerlarni jamlaydi.
Ikki kunlik konferensiya davomida samarali raqamli strategiyani qanday yaratish, biznesda qanday raqamli vositalarni qo‘llash, Telegram va AliBaba’da qanday ilgarilatish va sotish, internetdagi reklama samaradorligiga qanday ta’sir ko‘rsatish, digitalda kuchli brendlarni qanday qurish va boshqa ko‘plab qiziqarli mavzulardagi chiqishlar bo‘ladi. Forum spikerlari qatorida Yandeks, SAP, Admixer, WunderDigital, Alibaba.com, Beyeline vakillari mavjud.
Forumda yirik blok ta’sir marketingiga bag‘ishlangan. Sir emaski, brendlar mashhur shaxslar, blogerlar, inflyuyenserlar va selebritiga reklama uchun tobora ko‘proq murojaat qilmoqdalar. Forumning maxsus mehmoni – 6,11 mln obunachiga ega ilmiy-ommabop YouTube kanal muallifi Yan Toples. Yan fizika, astronomiya, biologiya va boshqa fanlar, shuningdek san’at, madaniyat va gender tushunchasi hamda avlodlar nazariyasi kabi ijtimoiy ahamiyatga ega mavzularda ilmiy-ommabop videolar chop etadi.
Yan Toples, mahalliy influyencye-marketing yetakchilari Umid G‘ofurov (“Tanish-bilish” agentligi) va Denis Roman (“Wyedigital” agentligi) bilan birgalikda, blogerlar va brendlarning o‘zaro muloqotlaridagi trendlar va muammolar muhokamasiga bag‘ishlangan panel muhokamasida qatnashadi. Muhokamada qatnashish uchun, shuningdek, Cho‘lpon Ashimova (“Namba Media” agentligi, Qirg‘iziston) va Diana Laletina (“2any1” agentligi, Qozog‘iston) ham taklif etilgan.
20-martda Digital Marketing Awards – forum kuratorlari tanloviga ko‘ra, blogerlar, raqamli kontent mualliflarini taqdirlash birinchi marosimi o‘tkaziladi. O‘zbekistonda rus va o‘zbek tillarida noyob kontent yaratuvchi raqamli kontent mualliflari 22 ta nominasiyada sovrinlarga ega bo‘ladilar .
Instagram, Telegram’ning 2022-yilgi raqamli ko‘rsatkichlariga ko‘ra, 11 ta alohida nominasiyada eng xilma-xil, jozibali, mashhur postlar yaratuvchi agentliklar va brendlar taqdirlanadi. G‘oliblar MDH mamlakatlarida ijtimoiy tarmoqlarni tahlil qiluvchi, sharhlar monitoringini amalga oshiruvchi eng mashhur sanaladigan LiveDune ijtimoiy tarmoqlar tahlili servisining raqamli metrikalari bo‘yicha aniqlanadi.
Digital Marketing Awards’ning ilk g‘oliblarini qutlash niyatida bo‘lganlarni taqdirlash marosimida qatnashishga taklif etamiz.
Diyor Mirzaahmedov – forum tashkilotchisi, O‘zbekiston marketing uyushmasi boshqaruvi raisi:
“Biz raqamli marketing sohasida xizmat ko‘rsatuvchi yangi va mashhur kompaniyalarni, digitalga e’tibor qaratuvchi faol va mashhur brendlarni hamda mana shu texnologiyalar, mahsulotlar va xizmatlar foydalanuvchilarining muloqoti va taqdimi uchun yangi, har yilgi maydonchani yaratyapmiz. Bu imkoniyatdan istisnosiz barcha – boshlovchi blogerlar va SMM-mutaxassislardan tortib, yirik investorlargacha foydalanishlari ahamiyatlidir. Har bir ishtirokchining fikri inobatga olingan holda keyingi forumlar kun tartibi shakllantiriladi. Buning uchun, an’anamizga ko‘ra, forumda ishtirokchilarning doimiy chati tuziladi, unda muhokama qilish, takliflar va spikerlarga savollar berish mumkin bo‘ladi. O‘ylaymanki, bu chat O‘zbekistonda digital-marketing bo‘yicha eng yirik muhokama maydonchasiga aylanadi.
Biz digital-marketing sohasidagi ko‘plab mashhur ekspertlarni taklif qildik, ammo hozirlanayotgan forum haqida xabar topib, bizga murojaat qilgan va kelib, chiqish qilib, ekspertizasi bilan o‘rtoqlashishga tayyor mohir spikerlar undan ham ko‘p bo‘lyapti. Tashkilotchilar sifatida, bizning tadbirlarimiz uyg‘otayotgan qiziqish bizni quvontiradi. Keyingi yillarda to‘plangan kontentlarning qiziq jihatlarini bitta konferensiya kuni bilan qamrab bo‘lmasligini tushungan holda, biz nafaqat yangi bilimlar olishni, balki spikerlarga o‘z savollarini berishni ham istaganlar uchun ikki kunli formatni tanladik. Tez orada forumda uchrashguncha!”
Forum haqida batafsil axborot: marketing.uz/digital-forum
Tashkilotchilar – O‘zbekiston Respublikasi raqobatni rivojlantirish va iste’molchilar huquqlarini himoya qilish qo‘mitasi, O‘zbekiston marketing uyushmasi.
Bosh hamkor – ANORBANK.
Izoh (0)