Andijon viloyati Andijon tumanida 6-fevral kuni kuni xonadonlardan biri yong‘in sodir bo‘ldi. Bu haqda Favqulodda vaziyatlar vazirligi xabar qildi.
Qayd etilishicha, holat shu kuni soat 14:26 da Andijon tumani “Gumbaz” MFY Zilol ko‘chasida joylashgan xonadonning taxminan 50 kvadrat metr maydonida tomi va shift qismi yonayotgani to‘g‘risida Andijon viloyati FVBga xabar kelib tushgan.
Tuman FVB rahbar xodimlari hamda 2 ta yong‘in-qutqaruv ekipaji voqea joyiga soat 14:32 da yetib borib, yong‘in soat 14:35 da qurshab olinib, 14:50 da o‘chirilgan.
Yong‘indan uyning 30 kvadrat metr maydoni saqlab qolingan. Holatning taxminiy sababi elektr simining qisqa tutashuvi bo‘lgan.
Yong‘in oqibatida fuqarolarning tan-jarohati olish va halok bo‘lish holatlari qayd etilmagan.
“Ijtimoiy tarmoqlarda tarqalgan 3 ta uy portlagani haqidagi xabar rad etiladi, voqea joyida portlash ro‘y bermagan”, — deyiladi xabarda.
Izoh (0)