Ijtimoiy tarmoqlarda Qashqadaryo viloyati Qarshi shahridagi metan gaz zapravkada Nexia-3 avtomobilining gaz balloni portlagani haqida xabar berildi. Viloyat Favqulodda vaziyatlar boshqarmasi mazkur voqea bo‘yicha qo‘shimcha maʼlumot berdi.
.jpg)
Taʼkidlanishicha, bugun, 24-fevral kuni soat 16:08 larda Qarshi shahar Nasaf ko‘chasida joylashgan avtomobillarga gaz (metan) quyish shoxobchasida 2019-yilda ishlab chiqarilgan, oq rangli Nexia-3 rusumli avtomobilning gaz balloniga gaz quyish vaqtida yorilish (portlash) sodir bo‘lgan.
Natijada avtomobilning orqa qismi to‘liq shikastlangan. Hodisa joyida yong‘in sodir bo‘lmagan va tan jarohati olganlar yo‘q.
“Hozirda holat bo‘yicha tegishli soha vakillari tomonidan surishtiruv ishlari olib borilmoqda. Shu o‘rinda Favqulodda vaziyatlar vazirligi barcha haydovchilardan o‘z boshqaruvidagi avtomobillarni vaqtida texnik ko‘rikdan o‘tkazishlarini va barcha xavfsizlik qoidalariga rioya qilishlarini so‘raydi”, — deyiladi rasmiylar izohida.
Izoh (0)