Eron sud tizimi Eron-Germaniya fuqarosi Jamshid Sharmahdni “Yer yuzidagi korrupsiya”da ayblab, o'limga hukm qildi. Bu haqda Al Arabia xabar berdi.
AQSHda ham yashash uchun ruxsatnomaga ega Sharmahd Eron tomonidan 2008-yildagi portlashda va mamlakatda boshqa hujumlarni rejalashtirishda ayblangan monarxiya tarafdori guruhiga rahbarlik qilishda ayblangan.
“Uning hukmi ustidan hali ham oliy sudga shikoyat qilish mumkin”, — deyiladi xabarda.
Sharmahdning hibsga olingani 2020-yilda razvedka vazirligi bayonoti orqali e’lon qilingan. Unda Sharmahd “Amerika nomidan Eronda qurolli va terrorchilik harakatlariga rahbarlik qilgan terrorchi Tondar guruhining yetakchisi” deb ta’riflagan.
“Eron Shoh uyushmasi” nomi bilan ham tanilgan Tondar tashkiloti 1979-yilgi islom inqilobini qabul qilmagan va AQShga qochib ketgan Erondan kelgan muhojirlarni birlashtirib, mamlakatni monarxiya tuzumiga qaytarishni ko‘zlagan. Oxirgi marta u 2008-yilda Sheroz shahridagi masjidda portlash sodir etgan. Buning oqibatida 14 kishi halok bo‘lgan va 200 kishi jarohatlangandi.
Izoh (0)