Toshkent shahrida aholi o‘rtasida bola o‘g‘irlovchi ayollar paydo bo‘lgani haqida xabarlar tarqaldi. Ichki ishlar bosh boshqarmasi axborot xizmati mazkur xabarlar yuzasidan munosabat bildirdi.
Maʼlum qilinishicha, mazkur xabarlar yolg‘on bo‘lib, haqiqatdan yiroq. Bu xabarlar ostida bir nechta ayollarning fotosurati va shaxsiy maʼlumotlari joylashtirilgan bo‘lib, turli muhokamalarga sabab bo‘lmoqda. Boshqarma axborot xizmati aholidan yolg‘on xabarlar tarqatib, shov-shuv ko‘tarmaslikni so‘ragan. Shuningdek, yolg‘on axborot tarqatish, shuningdek shaxsning roziligisiz shaxsiy maʼlumotlarini oshkor qilish qonunchilikka muvofiq javobgarlikka tortishga asos bo‘lishini taʼkidlagan.
Hozirda bu kabi yolg‘on xabarlarni tarqatgan shaxslarni aniqlash yuzasidan Toshkent shahar IIBB tomonidan tekshiruv o‘tkazilmoqda.
Izoh (0)