Qashqadaryo viloyati Yakkabog‘ tumanida sudyaning xatosi sabab erkak nogironlik nafaqasini ololmay qoldi. Sudyalar oliy kengashi axborot xizmati holat yuzasidan izoh berdi.
Ijtimoiy tarmoqlarda N.M.ning oila aʼzolari murojaat bilan chiqqan. Ularning so‘zlariga ko‘ra, sudyaning sirtdan chiqargan qaroriga asosan otasi nogironlik nafaqasini ololmay qolgan. Uning nafaqasi o‘ziga tegishli bo‘lmagan bankdan olingan kreditga yo‘naltirilgan. Erkakning o‘g‘li sudya o‘z aybini tan olganini, lekin vaziyat o‘zgarmaganini taʼkidlagan.
Sudyalar oliy kengashining maʼlum qilishicha, holat yuzasidan fuqarolik ishlari bo‘yicha Yakkabog‘ tumanlararo sudi raisi va sudya yordamchisining xatti-harakatlariga nisbatan xizmat tekshiruvi tayinlandi. Xizmat tekshiruvi Qashqadaryo viloyati sudlari sudyalari malaka hayʼati tomonidan o‘tkaziladi.
Izoh (0)