Ispaniya va O‘zbekiston o‘rtasida tashqi mehnat migratsiyasi sohasida hamkorlik qilinadi

Ispaniya va O‘zbekiston o‘rtasida tashqi mehnat migratsiyasi sohasida hamkorlik qilinishi kutilmoqda. Bu haqda “Dunyo” xabar berdi.

Xabarga ko‘ra, O‘zbekiston va Ispaniya o‘rtasida tashqi mehnat migratsiyasi sohasidagi ikki tomonlama hamkorlik munosabatlarini yana-da rivojlantirish maqsadida 17 fevral kuni elchixona tashabbusi bilan Kambag‘allikni qisqartirish va bandlik vazirligi huzuridagi Tashqi mehnat migratsiyasi agentligi vakillarining Ispaniyadagi ushub sohaga mutasaddi vazirligi  o‘rtasida onlayn uchrashuv tashkil etildi.

Uchrashuvda Ispaniya vakili e’tiboriga agentlik tomonidan xavfsiz, tartibli va qonuniy mehnat migratsiyasini tashkil etish borasida amalga oshirilgan ishlar taqdimoti o‘tkazildi. O‘z navbatida, Santiyago Yerga Kobos O‘zbekistonda tashqi mehnat migratsiyasi sohasida amalga oshirilgan ishlarga yuqori baholab. O‘zbekiston fuqarolari uchun xorijiy mamlakatlarda xavfsiz va tartibli mehnat faoliyatini olib borish uchun barcha imkoniyatlar yaratilgani rivojlanayotgan davlatlarning ijobiy ko‘rsatkichlaridan biri hisoblanishini aytdi.

Shuningdek, u Ispaniya va O‘zbekiston o‘rtasida tashqi mehnat migratsiyasi sohasida hamkorlik aloqalarini o‘rnatish uchun  yetarli darajadagi salohiyat mavjudligini ta’kidladi. O‘zbekistonlik mehnat migrantlarini Ispaniya mehnat bozoriga jalb qilish uchun qishloq xo‘jaligi va qurilish sohalaridagi kompaniyalarni topishda o‘z yordamini taqdim etishga tayyor ekanligini ham ma’lum qildi.

Santiyago Yerga Kobos ikki mamlakat o‘rtasida tashqi mehnat migratsiyasi sohasida hamkorlik aloqalarini o‘rnatish maqsadida huquqiy asosni yaratish lozimligini ta’kidlagan holda tashkilotlar o‘rtasida anglashuv memorandumini imzolash, shuningdek, mamlakatda mehnat migrantlarini xorijga yuborishdan oldin tayyorgarlik jarayonlari bilan tanishish maqsadida Ispaniya delegatsiyasining O‘zbekistonga safarini tashkil etish taklifini ham bildirdi.