O‘zbekiston bog‘chalarida noqonuniy moliyaviy xatti-harakatlar, korrupsiya holatlari va budjet mablag‘larining maqsadsiz sarflanishining oldini olish choralari ko‘riladi.
2022–2026-yillarga mo‘ljallangan O‘zbekistonning taraqqiyot strategiyasini 2023-yilda amalga oshirishga oid davlat dasturi to‘g‘risidagi prezident farmoni loyihasiga ko‘ra, bu maqsadda 2023-yil sentabrdan 6 412 ta davlat maktabgacha ta’lim tashkilotlarida avtomatlashtirilgan tizimni ishga tushirish uchun texnik vositalar xarid qilinadi.
Buning uchun respublika budjetidan Maktabgacha va maktab taʼlimi vazirligiga ajratilgan mablag‘lardan foydalaniladi.
Xodimlar va tarbiyalanuvchilarning davomati hamda bolalarni ovqatlantirish bilan bog‘liq xarajatlarning elektron hisoblanishi yo‘lga qo‘yiladi. Shuningdek, “Yagona mavsumiy taomnoma” joriy etiladi.
Ushbu hujjat loyihasi muhokamasi 22-fevralga qadar davom etadi.
Izoh (0)