O‘zbekistonda 2023-yil yanvar oyida xarid cheki berilmaganligi bo‘yicha 10 mingdan ortiq murojaat kelib tushdi. Bu haqda Soliq qo‘mitasi axborot xizmati xabar berdi.
Xabarga ko‘ra, 2023-yil yanvar oyida “Soliq” mobil ilovaning “Soliq hamkor” tizimi orqali soliq huquqbuzarliklari haqida 10 989 ta murojaat kelib tushgan. Shundan:
- 10 204 tasi xarid cheki bermaslik;
- 394 tasi to‘lovni plastik karta orqali qabul qilmaslik;
- 15 tasi plastik karta uchun xarid summasini oshirish;
- 376 tasi boshqa turdagi huquqbuzarlik holatlari bo‘yicha.
Maʼlum qilinishicha, murojaatlar asosida 4808 ta sayyor soliq tekshiruvi o‘tkazilib, 99 foiz holatda huquqbuzarlik tasdiqlangan. O‘tkazilgan sayyor soliq tekshiruvlari materiallari ko‘rib chiqilgan 3302 ta tadbirkorlik subyektiga 17,9 milliard so‘m miqdorida moliyaviy jarima qo‘llanilib, 1998 tasidan 10 milliard so‘m undirildi.
Natijada 3309 holat bo‘yicha xabar bergan fuqarolarga (undirilgan jarima summasidan 20 foiz) 1,6 milliard so‘m mukofot to‘langan. Murojaatlarning 3493 tasi takroriy bo‘lganligi yoki shikoyat kelib tushgan tadbirkorlik subyektida tekshiruv davom etayotganligi sababli qaytarilgan.
Izoh (0)