Ўзбекистонда 2023 йил январь ойида харид чеки берилмаганлиги бўйича 10 мингдан ортиқ мурожаат келиб тушди. Бу ҳақда Солиқ қўмитаси ахборот хизмати хабар берди.
Хабарга кўра, 2023 йил январь ойида “Солиқ” мобил илованинг “Солиқ ҳамкор” тизими орқали солиқ ҳуқуқбузарликлари ҳақида 10 989 та мурожаат келиб тушган. Шундан:
- 10 204 таси харид чеки бермаслик;
- 394 таси тўловни пластик карта орқали қабул қилмаслик;
- 15 таси пластик карта учун харид суммасини ошириш;
- 376 таси бошқа турдаги ҳуқуқбузарлик ҳолатлари бўйича.
Маълум қилинишича, мурожаатлар асосида 4808 та сайёр солиқ текшируви ўтказилиб, 99 фоиз ҳолатда ҳуқуқбузарлик тасдиқланган. Ўтказилган сайёр солиқ текширувлари материаллари кўриб чиқилган 3302 та тадбиркорлик субъектига 17,9 миллиард сўм миқдорида молиявий жарима қўлланилиб, 1998 тасидан 10 миллиард сўм ундирилди.
Натижада 3309 ҳолат бўйича хабар берган фуқароларга (ундирилган жарима суммасидан 20 фоиз) 1,6 миллиард сўм мукофот тўланган. Мурожаатларнинг 3493 таси такрорий бўлганлиги ёки шикоят келиб тушган тадбиркорлик субъектида текширув давом этаётганлиги сабабли қайтарилган.
Изоҳ (0)