O‘zbekistondagi ko‘p kvartirali uylarning 77 foizi 1991-yilgacha qurilgani ma’lum bo‘ldi

Prognozlashtirish va va makroiqtisodiy tadqiqotlar instituti Respublikaning ko‘p-kvartirali uy-joy fondi haqida ma’lumot berdi.

Xabar qilinishicha, O‘zbekistondagi jami 40026 ta ko‘p kvartirali uylar mavjud. Ularda 1,3 million xonadon yashaydi.

Ushbu binolarning 77 foizi, ya’ni 30803 tasi 1991-yilgacha qurilgan hisoblanadi. Ularda 987 ming nafar oila yashaydi.

1991—2016-yillarda qurilgan 3590 ta (9 foiz) uyda 113 mingta xonadon, 2017—2022-yillarda qurilgan 5633 ta (14 foiz) uyda esa 200 mingta xonadon yashaydi.

Ko‘p kvartirali uylarga xizmat ko‘rsatish, idora qilish usuliga bo‘yicha esa boshqaruv kompaniyalari yetakchi — respublikada jami 36368 ta shunday tuzilma mavjud. Bundan tashqari, 991 ta shirkat xizmat qilmoqda, 828 ta uy o‘zini o‘zi boshqaradi.