Ўзбекистондаги кўп квартирали уйларнинг 77 фоизи 1991 йилгача қурилгани маълум бўлди

Прогнозлаштириш ва ва макроиқтисодий тадқиқотлар институти Республиканинг кўп-квартирали уй-жой фонди ҳақида маълумот берди.

Хабар қилинишича, Ўзбекистондаги жами 40026 та кўп квартирали уйлар мавжуд. Уларда 1,3 миллион хонадон яшайди.

Ушбу биноларнинг 77 фоизи, яъни 30803 таси 1991 йилгача қурилган ҳисобланади. Уларда 987 минг нафар оила яшайди.

1991—2016 йилларда қурилган 3590 та (9 фоиз) уйда 113 мингта хонадон, 2017—2022 йилларда қурилган 5633 та (14 фоиз) уйда эса 200 мингта хонадон яшайди.

Кўп квартирали уйларга хизмат кўрсатиш, идора қилиш усулига бўйича эса бошқарув компаниялари етакчи — республикада жами 36368 та шундай тузилма мавжуд. Бундан ташқари, 991 та ширкат хизмат қилмоқда, 828 та уй ўзини ўзи бошқаради.