Toshkent tumani “Eshonxo‘ja ota” masjidi imom-xatibi Avazxo‘ja Bahromov lavozimidan ozod etildi va 3 sutkaga qamaldi.
Ijtimoiy tarmoqlarda imom-xatib Bahromovning voyaga yetmagan qizlarga tahdid qilgani va uyatsiz so‘zlar bilan haqoratlagani aks etgan audioyozuvlar tarqalgandi.
O‘zbekiston musulmonlari idorasining ichki nazorat komissiyasi holatni o‘rgandi va uni lavozimidan ozod etishga qaror qildi. Shuningdek, imom-xatib Avazxo‘ja Bahromov 3 sutkaga ma’muriy jazo sifatida qamalgan.
O‘zbekiston musulmonlari idorasi Ichki nazorat komissiyasi yig‘ilishida 28-yanvar kuni Toshkent viloyati Toshkent tumani “Eshonxo‘ja ota” masjidi imom-xatibi Avazxo‘ja Bahromov masalasi ko‘rib chiqilgandi. Unda imom-xatibning ijtimoiy tarmoqlarda muhokamaga sabab bo‘lgan arab tili kursidagi xatti-harakatlari muhokama qilingan.
Yig‘ilishda imom-xatibning mazkur holati imomlik maqomiga mutlaqo to‘g‘ri kelmasligiga alohida urg‘u qaratilgan. Ichki me’yoriy hujjatlarda belgilangan “fuqarolar bilan muloqotda xushmuomala, vazmin va samimiy munosabatni namoyish qilish” va “o‘zining xatti-harakati va axloqi tufayli jamoatchilikning tanqidiga uchramaslik choralarini ko‘rish” degan bandlarning imom tomonidan qo‘pol ravishda buzilishi deb baholangan.
Izoh (0)