“SSV qoshidagi IT Med kompaniyasi ustidan tekshiruv boshlandi” — Amrillo Inoyatov

Sog‘liqni saqlash vazirligi huzuridagi IT Med kompaniyasiga nisbatan tekshiruv ishlari boshlandi. Bu haqda vazir Amrillo Inoyatov Korrupsiyaga qarshi kurashish agnetligi tomonidan o‘tkazilgan anjumanda ma’lum qildi, deya xabar bermoqda “Daryo” muxbiri.

IT Med jamiyati Sog‘liqni saqlash vazirligining axborot-kommunikatsiya texnologiyalari, telemeditsina va masofaviy ta’limni joriy etish va rivojlantirish bo‘yicha mas’ul muassasa hisoblanadi.
Amrillo Inoyatovning aytishicha, IT Med ustidan tekshirish ishlari boshlangan.
“Ular hammasi, barcha qilgan ishlariga javob beradi. Tashkilot nafaqat onkologik kasalliklar ro‘yxatini elektron reyestrini ishlab chiqish, bundan tashqari juda ko‘p vazifalar oldida turibdi, deyarli birortasi bajarilmagan”, — dedi vazir.

Uning alohida ta’kidlashicha, IT Med tashkil etilganiga uch yil vaqt bo‘lgan va shu muddat ichida nima ishlar qilgan bo‘lsa, barchasi qattiq tekshiruvdan o‘tkaziladi.

“Tashkilotda shu kecha-kunduzda 60 nafar odam ishlayapti. Bir oyda qariyb 450-500 mln so‘m maoshlar uchun taqsimlanadi. Oxirgi uch yillik uchun har biri javob beradi: bular nima uchun oylik olgan, qaysi vazifani bajargan, qaysi vazifani bajarmagan va nima uchun bajarmagan”, — deya Amrillo Inoyatov.

Mavzuga doir:

Xodimi pora olgani uchun Respublika tez tibbiy yordam markazi Andijon filiali direktori lavozimidan ozod etildi

“Tibbiy ekspertizada o‘g‘limning buyragi va jigari ishdan chiqqani ma’lum bo‘ldi” — “Dok-1 Maks” dan vafot etgan qashqadaryolik bolaning otasi