“Moodyʼs Investors Service” xalqaro reyting agentligi “Oʻzbekiston Respublikasi Tashqi iqtisodiy faoliyati milliy banki” AJ kredit reytingini “Barqaror” prognozi bilan “B1” dan “Ba3” ga (Oʻzbekiston Respublikasi suveren reytingi darajasiga) koʻtardi.
“Oʻzmilliybank” AJ kredit reytingining oshishi Oʻzbekistonning suveren reytingi koʻtarilishi bilan ifodalanadi. Bunga iqtisodiyotning barcha sohalarida amalga oshirilgan kompleks islohotlar dasturi, jumladan, bank tizimi transformatsiyasi, mamlakatimizda investitsiyaviy muhitni yaxshilash va xorijiy investorlarni keng jalb qilish hisobiga erishildi.
Bank kredit reytingining oshishi kompaniyalar samaradorligi va raqobatbardoshligini yanada yaxshilashga xizmat qiladi. “Oʻzmilliybank” AJ reytingini oshirishga aktivlar sifati yaxshilanishi, bankning barqaror daromadi, munosib darajadagi kapitallashuvi va mijozlarning kuchli bazasi muhim omil boʻldi.
“Moodyʼs” agentligining tahliliy hisobotiga koʻra, “Oʻzmilliybank” AJning kredit qobiliyati prognoz qilinayotgan muddatlarda barqaror boʻladi. “Oʻzmilliybank” AJ davlat banki hisoblanib, u sifatli bank xizmatlari va mahsulotlarini taqdim etish, raqamli xizmatlar sohalarini kengaytirish, investitsiyaviy va infratuzilma loyihalarini moliyalashtirish orqali mamlakatda kechayotgan keng koʻlamli islohotlarda faol ishtirok etadi. Bularning barchasi “Moodyʼs”ning joriy reytingida oʻz aksini topgan.
Reklama huquqi asosida
Izoh (0)