Oʻzbekistonda hukumat tarkibida yillar davomida yangi tashkilotlar tuzilishi oqibatida pala-partishlik yuzaga kelgan edi. Bu esa turli boʻgʻindagi davlat tashkilotlarida bir-birini takrorlovchi funksiyalar koʻpayishiga olib keldi. Aniq tizim yoʻqolib qoldi, boʻysunuv sxemasi ham tushunarsiz holga keldi. Maʼmuriy islohotlar natijasida qatʼiy vertikal boshqaruv tizimi joriy etilmoqda. Boshqacha aytganda “qoʻl boshqaruvi”dan tizimli tahlil asosidagi rivojlanishga oʻtiladi.
Mazkur masalalarni tartibga solish yuzasidan prezident Shavkat Mirziyoyevning “Yangi Oʻzbekiston maʼmuriy islohotlarini amalga oshirish chora-tadbirlari toʻgʻrisida”gi farmoni imzolandi.
Endilikda vazirlik va idoralar qisqargan tarkib bilan qanday ishlaydi, qisqarishga tushgan xodimlarning taqdiri nima boʻladi va bu islohotlar qay darajada oʻzini oqlaydi? Shu va boshqa savollarga prezident huzuridagi Davlat xizmatini rivojlantirish agentligining masʼul xodimlari “Daryo” muxbiriga bergan intervyusida javob berdi.
Agentlik departament mudiri Alisher Eranovning aytishicha, endilikda vazirlarning mustaqilligi oshirilmoqda.
“Bu degani vakolat yoki huquq emas, ularni masʼuliyati va qaror qabul qilish usuli oʻzgarmoqda. Avval har bitta vazir yoki rahbarni muayyan bitta qaror qabul qilishi uchun hukumat tarkibida kotibiyatlar, departamentlar kotibiyatga chiqib, ular bilan kelishgan, yaʼni byurokratiya bor edi. Va tabiiyki bu qaror qabul qilishni kechiktirgan. Bugun qabul qilinishi kerak boʻlgan qaror bir hafta yoki oʻn kunga choʻzilardi. Tayinki, ushbu holat uning natijasiga salbiy taʼsir koʻrsatardi. Shu bois vazirlarni bosh vazir bilan toʻgʻridan toʻgʻri ishlaydigan mexanizm tashkil qildik. Endilikda vazir oʻz qarorini qabul qilishda hukumat rahbari bilan hech qanday bosqichlarsiz ishlashga oʻtilmoqda”, — dedi Alisher Eranov.
Uning alohida taʼkidlashicha, vazirlar ishlab chiqayotgan ish dasturlarini jamoatchilik bilan kelishgan holda amalga tatbiq etadi.
“Masalan, muayyan bir sohada amalga oshirilishi kerak boʻlgan ishni qanday qilish kerak, nima qilishi va qayerda qilinishi yuzasidan jamoatchilik fikri oʻrganiladi. Va oʻz navbatida dasturning ijrosi boʻyicha ham jamoatchilikka hisob beradigan tizim yaratilmoqda”, — dedi agentlik masʼul xodimi.
Alisher Eranovning qoʻshimcha qilishicha, vazirlarga kadrlar bilan ishlashda ham toʻliq mustaqillik berilmoqda.
Mavzuga doir:
Izoh (0)