O‘zbekistonda barcha vazirlik va idoralar qisqartirilishi natijasida qancha bino va mashinalar bo‘shashi aniqlandi

O‘zbekistonda maʼmuriy islohotlarning navbatdagi bosqichini amalga oshirish maqsadida 25-yanvar kuni prezidentning “Respublika ijro etuvchi hokimiyat organlari faoliyatini samarali yoʻlga qoʻyishga doir birinchi navbatdagi tashkiliy chora-tadbirlar toʻgʻrisida”gi farmoni imzolandi.

Farmonga muvofiq:

Vazirlik va idoralarda budjet va nobudjet mablagʻlaridan moliyalashtiriladigan jami 17 447 ta boshqaruv va ishlab chiqarish shtat birliklari qisqartirilmoqda (umumiy songa nisbatan 24 foiz). Shu jumladan, vazirlik va idoralar rahbarlari oʻrinbosarlari soni 207 nafardan 144 nafargacha (-63) yoki 30 foizga qisqartirilmoqda.

Mazkur chora-tadbirlar natijasida:

• shtatlar sonini qisqartirish hisobiga 1,5 trillion soʻm;
• avtotransport vositalari sonini qisqartirish hisobiga (shu jumladan, yoqilgʻi-moylash, shinalarni almashtirish xarajatlari) 70 milliard soʻm budjet mablagʻlari iqtisod qilinmoqda.

Shuningdek, dastlabki hisob-kitoblarga muvofiq, 703 ta avtotransport vositalari va 10 ta binolar boʻshamoqda.