Toshkent viloyatida maishiy chiqindi poligonlarida hosil bo‘ladigan chiqindi gazini qayta ishlash hisobiga elektr energiyasini ishlab chiqarish majmuasi quriladi.
Tabiat resurslari vazirligi xabariga ko‘ra, O‘zbekiston va Koreya rasmiylari ishtirokida 27-yanvar kuni Ohangaron va Maydontol maishiy chiqindilar poligonlarida hosil bo‘ladigan chiqindi gazini qayta ishlash hisobiga elektr energiyasi ishlab chiqarish majmuasi qurilishiga tamal toshi qo‘yish marosimi bo‘lib o‘tdi.
Qayd etilishicha, “Sejin G&E” kompaniyasi ishtirokida 55 million dollar miqdoridagi to‘g‘ridan-to‘g‘ri investisiya mablag‘lari hisobiga Toshkent viloyatining Ohangaron va Maydontol maishiy chiqindilar poligonida hosil bo‘ladigan chiqindi gazidan umumiy ishlab chiqarish quvvati kamida 16 MVt bo‘lgan elektr energiyasi ishlab chiqaradigan zamonaviy loyiha ishga tushiriladi.
Izoh (0)