Ijtimoiy tarmoqlarda Davlat aktivlarini boshqarish agentligi faoliyati isloh qilinishi, xodimlar soni qisqartirilishi haqida xabarlar tarqaldi. Davaktiv holatga munosabat bildirdi.
Qayd etilishicha, O‘zbekiston Respublikasi prezidentining 2022-yil 21-dekabrdagi “Yangi O‘zbekiston ma’muriy islohotlarini amalga oshirish chora-tadbirlari to‘g‘risida”gi PF-269-son farmoni ijrosi doirasida Davaktiv agentligi shtat birliklarini 30 foizgacha maqbullashtirish bo‘yicha takliflar tayyorlanmoqda.
Bunda agentlik tomonidan unga yuklatilgan vazifalarni amalga oshirishda axborot-kommunikatsiya texnologiyalarini keng joriy etish, jumladan, ish jarayonini raqamlashtirish, davlat xizmatlarini Davlat xizmatlari markazlari va (yoki) yagona interaktiv davlat xizmatlari portali orqali ko‘rsatish nazarda tutilmoqda.
Izoh (0)