O‘zbekiston energetika vaziri Jo‘rabek Mirzamahmudov Rossiya bilan gaz importi masalasida tuzilgan “yo‘l xaritasi” bo‘yicha izoh berdi. Bu haqda “Daryo” muxbiri xabar berdi.
Qayd etilishicha, bu Rossiyadan tabiiy gazni import qilish bo‘yicha chora-tadbirlarni ko‘zda tutuvchi “yo‘l xaritasi” hisoblanadi. Ya’ni texnik shartlar o‘rganilib, keyin texnik imkoniyatlardan kelib chiqib, tijoriy narxlar bo‘yicha kelishilsa, Rossiyadan gaz import qilish ko‘zda tutiladi.
“Gaz quvurga kirgandan keyin hamma iste’molchilarga — aholiga ham, barcha ishlab chiqaruvchi korxonalarga ham tarqatamiz. Kecha jurnalistlarga tushuntirish berdik, asosiy mazmunini ham ko‘rsatdik, u yerda umuman gaz transport tizimini xususiylashtirish yoki boshqaruvga berish degan gap yo‘q.
Avval ham, masalan, Turkmanistondan Xitoyga ketadigan gazni aytganman, O‘zbekiston, Turkmaniston, Xitoy, Qozog‘iston hududida koordinatsion qo‘mita bor, texnik imkoniyatlarning hammasini birgalikda o‘rganib chiqadi”, — deydi Jo‘rabek Mirzamahmudov.
Mavzuga doir: O‘zbekiston va “Gazprom” o‘rtasida hamkorlik bo‘yicha “yo‘l xaritasi”ning suverenitetga tahdidi yo‘qligi ma’lum qilindi
Izoh (0)