Buyuk oshpazlarning biografiyasi, ta’sirchan dramalar va restoranlarning kundalik hayoti haqidagi qiziqarli filmlarni tavsiya qilamiz.
“Prezidentning oshpazi”
Fransiya, 2012-yil
Komediya, biografiya.
Davomiyligi: 95 daqiqa.
IMDb: 6.4.
Ortens Labori o‘zining iste’dodi va turli xil taomlar tayyorlashdagi tajribasi tufayli Fransiyaning mashhur oshpazi hisoblanadi. Mamlakat prezidentidan o‘zining shaxsiy oshpazi bo‘lish taklifini olgach, o‘z san’ati bilan davlat rahbari qalbini tezda zabt etadi. Ammo hamkasblarning hasadi va parda ortidagi intrigalar Labori karyerasini barbod qilishi mumkin.
Film Fransiya prezidenti tomonidan tayinlangan birinchi oshpaz ayol Daniel Maze-Delpeshning hayotiga asoslangan. U 1988-yildan 1990-yilgacha Yelisey saroyida Fransua Mitteranning oshpazi bo‘lgan. Bir muncha vaqt o‘tgach, 60 yoshli Maze-Delpesh ilmiy ekspeditsiya a’zolariga ovqat pishirish uchun Antarktidaga jo‘nab ketadi.
“Janob Septim restorani”
Fransiya, 1966-yil
Komediya, kriminal.
Davomiyligi: 85 daqiqa.
IMDb: 6.8.
Mashhur restorator misye Septim doimiy ravishda qo‘l ostidagi xodimlariga zulm qilib, mijozlarga mukammal xizmat ko‘rsatishga erishadi. Bir kuni o‘z restoranida kechki ovqat paytida Lotin Amerikasi davlatlaridan birining prezidenti g‘oyib bo‘ladi. O‘z obro‘sini saqlab qolish uchun Septim tergovda shaxsan ishtirok etadi.
“Juli va Juliya”
AQSH, 2009-yil
Drama, melodrama, biografiya.
Davomiyligi: 118 daqiqa.
IMDb: 7.0.
Juli Pauell Call-markazda operator bo‘lib ishlaydi va o‘z blogini yuritadi. Odatiy kundalik hayotdan charchagan u mashhur Juliya Chayldning retseptlari bo‘yicha bir yilda 524 ta taom tayyorlashga qaror qiladi. Bunga parallel ravishda, ular 1940-yillarda Chayldning oshpazlik karyerasining boshlanishi haqida gaplashishadi.
Ushbu film Juli Pauellning haqiqiy blogiga asoslangan bo‘lib, unda u turli xil taomlarni tayyorlashdagi muvaffaqiyati bilan o‘rtoqlashadi. Lekin eng muhimi, mualliflar turli davrlarda yashagan ikki qahramonning taqdiri o‘xshashligini ta'kidlashni xohlashgan.
“Yengilmas Marta”
Germaniya, Italiya, Avstriya, Shveysariya, 2001-yil.
Drama, komediya, melodrama.
Davomiyligi: 109 daqiqa.
IMDb: 7.2.
Marta Klyayn mashhur restoranda oshpaz bo‘lib ishlaydi. Biroq singlisi vafot etganidan so‘ng, u sakkiz yoshli jiyanini tarbiyasiga oladi. Ayni paytda restoranga yangi juda qaysar oshpaz keladi. Mashhur filmning remeykida Ketrin Zeta-Jons va Aaron Ekxart ijrosidagi “Hayot lazzati” kartinasi ham originalidan qolishmaydi.
“Shokolad”
AQSH, Buyuk Britaniya, 2000-yil.
Drama, melodrama.
Davomiyligi: 121 daqiqa.
IMDb: 7.2.
Fransiyaning sokin shaharchasiga yolg‘iz ona Vienn qizi bilan ko‘chib keladi. U bo‘sh do‘konni ijaraga olib, shokolad mahsulotlarini sotishni boshlaydi. Shaharcha aholisi shirinliklarning ajoyib ta'mini bir zumda sevib qolishadi. Biroq belgilangan tartibni buzgan yangi rezidentdan hamma ham mamnun emas. Filmda bosh rollarni Juliett Binosh, Jonni Depp va Judi Dench ijro etgan.
“Oshpaz yo‘lga chiqadi”
AQSH, 2014-yil.
Drama, komediya.
Davomiyligi: 114 daqiqa.
IMDb: 7.3.
Tajribali oshpaz Karl Kasper qator janjallardan so‘ng mashhur restorandagi ishidan ayriladi. Keyin u yana pazandalik dunyosiga sho‘ng‘ish, shu bilan birga o‘g‘li bilan ko‘proq vaqt o‘tkazish uchun yuk mashinasida ko‘chma oshxona ochishga qaror qiladi.
“Katta kecha”
AQSH, 1996-yil
Drama, melodrama, komediya.
Davomiyligi: 109 daqiqa.
IMDb: 7.3.
Ikki italiyalik aka-uka AQSHda ajoyib mazali taomlar tayyorlanadigan restoran ochadi. Ammo bu yerga mijozlar hech ham kirmaydi. Hamkasbining maslahati bilan ular keng ko‘lamli tadbir o‘tkazishadi va tashrif buyuruvchilarga eng yaxshi taomlarini bepul tarqatishadi.
Ushbu komediyada juda ko‘p qiziqarli voqealar mavjud. O‘z vatanidan uzilib qolgan muhojirlarning his-tuyg‘ulari va raqobatchilarning shafqatsizligi va hatto biznes qilish muammolari ham ochib berilgan.
“Maftunkor lazzat”
AQSH, 2014-yil.
Drama, komediya, melodrama.
Davomiyligi: 122 daqiqa.
IMDb: 7.3.
G‘azablangan olomon Mumbaydagi Papa Kadamning restoranini vayron qilgandan so‘ng, u oilasi bilan Fransiyaga ko‘chib keladi va yangi restoran ochadi. Ammo ko‘chaning qarama-qarshisida Mishel yulduziga sazovor bo‘lgan “Yig‘layotgan tol” restorani ham bor. Shundan so‘ng ikki restoran egalari o‘rtasida sovuq urush boshlanadi.
“Ratatuy”
AQSH, 2007-yil.
Komediya, sarguzasht.
Davomiyligi: 111 daqiqa.
IMDb: 8.0.
Kalamush Remi pazandalik shoularini qoldirmay tomosha qiladi va ovqat pishirishni yaxshi ko‘radi. To‘g‘ri, qarindoshlari uning sevimli mashg‘ulotiga shubha bilan qarashadi. Bir kuni Remi restoranda ishlasa-da, ovqat pishirishni umuman bilmaydigan Linguini ismli yigit bilan tanishadi. Yangi do‘stlar bir-birlariga yordam berishga qaror qilishadi.
Ajablanarlisi shundaki, ovqat va oshpazlar haqidagi filmlar ro‘yxatida bosh rolda kalamush bo‘lgan multfilm birinchi o‘rinda turadi. Pixar animatorlari “Ratatuy” multfilmiga imkon qadar mas’uliyat bilan yondashadi. Ular ovqat pishirishni o‘rganish davomida fransuz restorani bosh oshpazi Tomas Keller bilan maslahatlashishadi va hatto restoran va ko‘chalarning atmosferasini ishonchli tarzda suratga olish uchun Parijga kelishadi.
Mavzuga doir:
Izoh (0)