Буюк ошпазларнинг биографияси, таъсирчан драмалар ва ресторанларнинг кундалик ҳаёти ҳақидаги қизиқарли фильмларни тавсия қиламиз.
«Президентнинг ошпази»
Франция, 2012 йил
Комедия, биография.
Давомийлиги: 95 дақиқа.
IMDb: 6.4.
Ортенс Лабори ўзининг истеъдоди ва турли хил таомлар тайёрлашдаги тажрибаси туфайли Франциянинг машҳур ошпази ҳисобланади. Мамлакат президентидан ўзининг шахсий ошпази бўлиш таклифини олгач, ўз санъати билан давлат раҳбари қалбини тезда забт этади. Аммо ҳамкасбларнинг ҳасади ва парда ортидаги интригалар Лабори карьерасини барбод қилиши мумкин.
Фильм Франция президенти томонидан тайинланган биринчи ошпаз аёл Даниэль Мазе-Делпешнинг ҳаётига асосланган. У 1988 йилдан 1990 йилгача Елисей саройида Франсуа Миттераннинг ошпази бўлган. Бир мунча вақт ўтгач, 60 ёшли Мазе-Делпеш илмий экспедиция аъзоларига овқат пишириш учун Антарктидага жўнаб кетади.
«Жаноб Септим ресторани»
Франция, 1966 йил
Комедия, криминал.
Давомийлиги: 85 дақиқа.
IMDb: 6.8.
Машҳур ресторатор мисе Септим доимий равишда қўл остидаги ходимларига зулм қилиб, мижозларга мукаммал хизмат кўрсатишга эришади. Бир куни ўз ресторанида кечки овқат пайтида Лотин Америкаси давлатларидан бирининг президенти ғойиб бўлади. Ўз обрўсини сақлаб қолиш учун Септим терговда шахсан иштирок этади.
«Жули ва Жулия»
АҚШ, 2009 йил
Драма, мелодрама, биография.
Давомийлиги: 118 дақиқа.
IMDb: 7.0.
Жули Пауэлл Call-марказда оператор бўлиб ишлайди ва ўз блогини юритади. Одатий кундалик ҳаётдан чарчаган у машҳур Жулия Чайлднинг рецептлари бўйича бир йилда 524 та таом тайёрлашга қарор қилади. Бунга параллел равишда, улар 1940 йилларда Чайлднинг ошпазлик карьерасининг бошланиши ҳақида гаплашишади.
Ушбу фильм Жули Пауэллнинг ҳақиқий блогига асосланган бўлиб, унда у турли хил таомларни тайёрлашдаги муваффақияти билан ўртоқлашади. Лекин энг муҳими, муаллифлар турли даврларда яшаган икки қаҳрамоннинг тақдири ўхшашлигини таъкидлашни хоҳлашган.
«Енгилмас Марта»
Германия, Италия, Австрия, Швейцария, 2001 йил.
Драма, комедия, мелодрама.
Давомийлиги: 109 дақиқа.
IMDb: 7.2.
Марта Кляйн машҳур ресторанда ошпаз бўлиб ишлайди. Бироқ синглиси вафот этганидан сўнг, у саккиз ёшли жиянини тарбиясига олади. Айни пайтда ресторанга янги жуда қайсар ошпаз келади. Машҳур фильмнинг ремейкида Кетрин Зета-Жонс ва Аарон Экхарт ижросидаги «Ҳаёт лаззати» картинаси ҳам оригиналидан қолишмайди.
«Шоколад»
АҚШ, Буюк Британия, 2000 йил.
Драма, мелодрама.
Давомийлиги: 121 дақиқа.
IMDb: 7.2.
Франциянинг сокин шаҳарчасига ёлғиз она Виэнн қизи билан кўчиб келади. У бўш дўконни ижарага олиб, шоколад маҳсулотларини сотишни бошлайди. Шаҳарча аҳолиси ширинликларнинг ажойиб таъмини бир зумда севиб қолишади. Бироқ белгиланган тартибни бузган янги резидентдан ҳамма ҳам мамнун эмас. Фильмда бош ролларни Жулиэтт Бинош, Жонни Депп ва Жуди Денч ижро этган.
«Ошпаз йўлга чиқади»
АҚШ, 2014 йил.
Драма, комедия.
Давомийлиги: 114 дақиқа.
IMDb: 7.3.
Тажрибали ошпаз Карл Каспер қатор жанжаллардан сўнг машҳур ресторандаги ишидан айрилади. Кейин у яна пазандалик дунёсига шўнғиш, шу билан бирга ўғли билан кўпроқ вақт ўтказиш учун юк машинасида кўчма ошхона очишга қарор қилади.
«Катта кеча»
АҚШ, 1996 йил
Драма, мелодрама, комедия.
Давомийлиги: 109 дақиқа.
IMDb: 7.3.
Икки италиялик ака-ука АҚШда ажойиб мазали таомлар тайёрланадиган ресторан очади. Аммо бу ерга мижозлар ҳеч ҳам кирмайди. Ҳамкасбининг маслаҳати билан улар кенг кўламли тадбир ўтказишади ва ташриф буюрувчиларга энг яхши таомларини бепул тарқатишади.
Ушбу комедияда жуда кўп қизиқарли воқеалар мавжуд. Ўз ватанидан узилиб қолган муҳожирларнинг ҳис-туйғулари ва рақобатчиларнинг шафқатсизлиги ва ҳатто бизнес қилиш муаммолари ҳам очиб берилган.
«Мафтункор лаззат»
АҚШ, 2014 йил.
Драма, комедия, мелодрама.
Давомийлиги: 122 дақиқа.
IMDb: 7.3.
Ғазабланган оломон Мумбайдаги Папа Кадамнинг ресторанини вайрон қилгандан сўнг, у оиласи билан Францияга кўчиб келади ва янги ресторан очади. Аммо кўчанинг қарама-қаршисида Мишел юлдузига сазовор бўлган «Йиғлаётган тол» ресторани ҳам бор. Шундан сўнг икки ресторан эгалари ўртасида совуқ уруш бошланади.
«Рататуй»
АҚШ, 2007 йил.
Комедия, саргузашт.
Давомийлиги: 111 дақиқа.
IMDb: 8.0.
Каламуш Реми пазандалик шоуларини қолдирмай томоша қилади ва овқат пиширишни яхши кўради. Тўғри, қариндошлари унинг севимли машғулотига шубҳа билан қарашади. Бир куни Реми ресторанда ишласа-да, овқат пиширишни умуман билмайдиган Лингуини исмли йигит билан танишади. Янги дўстлар бир-бирларига ёрдам беришга қарор қилишади.
Ажабланарлиси шундаки, овқат ва ошпазлар ҳақидаги фильмлар рўйхатида бош ролда каламуш бўлган мультфильм биринчи ўринда туради. Pixar аниматорлари «Рататуй» мультфильмига имкон қадар масъулият билан ёндашади. Улар овқат пиширишни ўрганиш давомида француз ресторани бош ошпази Томас Келлер билан маслаҳатлашишади ва ҳатто ресторан ва кўчаларнинг атмосферасини ишончли тарзда суратга олиш учун Парижга келишади.
Мавзуга доир:
Изоҳ (0)