Jeyms Kemeronning 2009-yilda suratga olingan “Avatar” filmi dunyo bo‘ylab bir qancha rekordlarni o‘rnatdi va uning eng mashhur ijodlaridan biriga aylandi. U umuman olganda, fantastik janrdagi eng yuqori daromad keltiruvchi film, shuningdek, eng ommabop original kinofilm deb topildi. Garchi “Avatar” filmi texnik nuqtayi nazardan deyarli mukammal bo‘lsa ham, unda bir qator qo‘pol xatolar mavjud.
Golf to‘plari
Birinchi sahnalardan birida Jovanni Ribisining qahramoni boshqaruv xonasida golf o‘ynamoqda. Avvaliga uning orqasida 2 ta to‘p yonma-yon yotgani ko‘rinadi, biroq bir lahzadan so‘ng ularning joyi o‘zgaradi, bir soniyadan keyin esa yana bir joyda bo‘lib qoladi.
Yordamchi qo‘l
Jeyk Salli (Sem Uortington) avatarga ulanish qurilmasiga o‘tirganda, doktor Greys Ogustin (Sigurnu Uiver) unga yotishga yordam berayotgani ko‘rinadi. Ammo shundan so‘ng darhol u yordam berish uchun yugurayotgan kadr bor, demak, bu sahnalarning joyi almashib qolgan.
Yo‘qolgan o‘q
Salli o‘rmonda Neytirini (Zoe Saldana) topadi va u uni yovvoyi hayvon hujumidan qutqaradi. Ko‘rinib turibdiki, u qo‘lida o‘q ushlab turibdi, ammo keyingi kadrda o‘q yo‘q bo‘lib qoladi.
Sallining qo‘llari
Salli qo‘mondonlik markaziga qaytib keladi va boshliqlar bilan gaplashayotganda qo‘llarini Pandora kartasiga qo‘yadi. Ammo keyingi sahnada uning qo‘llari stol ostida, keyin esa yana stolda. Bu to‘rt marta sodir bo‘ladi.
Sehrli oyna
Film oxirida polkovnik Sallini yengmoqchi bo‘lganida robot ichidagi orqa ko‘zgu paydo bo‘ladi va yo‘qoladi.
O‘zgaruvchan robot
Robotning ko‘rinishi butun kadr davomida doimo o‘zgarib turadi: gohida uning tomida panjara bor, gohida esa butunlay silliq bo‘ladi. Bu, ayniqsa, yaqindan ko‘rilganda seziladi.
Egizaklarmi?
Film boshida doktor Ogustin Parker Selfrij bilan gaplashayotganida uning ortidan bir qiz yurganini ko‘rish mumkin. Ammo bir soniyadan so‘ng uning xuddi shu yo‘nalishda harakat qilayotganini yana ko‘rish mumkin.
Harakatlanuvchi soch o‘rimi
Jeyk Pandora otlarini minishni o‘rganganida, uning o‘rilgan sochi doimo kadrdagi o‘rnini o‘zgartiradi.
Bo‘yindagi mikrofon
Jamoaning barcha a’zolari bo‘ynida mikrofon bor, bu esa shtab-kvartira bilan aloqada bo‘lish imkonini beradi.
Avvaliga Sallida ham shunday mikrofon bor edi, biroq u o‘rmon hayvonidan qochish uchun daryoga sakragandan keyin qurilma yo‘qolib qoladi. Bu sujet uchun juda muhim bo‘lsa-da, tomoshabinlar Jeyk uni yo‘qotgan paytini ko‘rmaydilar.
Mavzuga doir:
Izoh (0)