Boshqa aktyorni tasavvur qilolmaydigan darajada qoyilmaqom ijro etilgan mashhur rollar

Ba’zi aktyorlar uchun alohida yaratilgan rollar bor. Ular maxsus kostyumga o‘xshaydi — u aktyorga mos keladi, qadr-qimmatini ta’kidlaydi va iste’dodning yangi qirralarini ochishga yordam beradi. Yagona salbiy tomoni, bu rolda boshqa odamni tasavvur qilish qiyin.

Jim Kerri – Niqob

Jim Kerrining komedik iste’dodi kamtarona Stenli Ipkiss va uning tungi o‘zgaruvchan egosi — o‘zi bilan betartiblik va aqldan ozganlikni olib kelgan “Niqob”ga hayot bag‘ishladi.

Arnold Shvarsenegger – Terminator

Aktyor ishtirokidagi bu rol tom ma’noda kultga aylandi. “Terminator” so‘zining o‘zi xalq so‘ziga aylandi va qahramon Arnold Shvarseneggerning “Men qaytaman” (I’ll be back) iborasi Amerika kino instituti talqiniga ko‘ra 100 ta eng mashhur iqtiboslar ro‘yxatiga (37-o‘rin) kiritildi.

Jonni Depp — kapitan Jek Chittak

Aslida hammamiz “Karib dengizi qaroqchilari”ni Jek Chittak tufayli tomosha qilganmiz. Kino sanoatning yirik rahbarlarining hech biri bu filmning muvaffaqiyatiga ishonmagandi, lekin u bugungi kunda eng muvaffaqiyatli franshizalardan biri — dengiz qaroqchilari haqidagi filmlar orasida yulduzga aylandi.

Xit Lejer – Joker

Xit Lejerning tashrif qog‘ozi,  albatta, Kristofer Nolanning “Qora ritsar” filmidagi Joker roli. U yaratgan obraz ramziy, chinakamiga murakkab, chuqur va ko‘pchilikning fikricha, idealga aylandi.

Alan Rikman — Severus Sneyp

Joan Rouling Alan Rikmanni professor Sneyp roliga shaxsan o‘zi tasdiqlaydi va bu to‘g‘ri qaror edi. Rikman haqiqiy professional kabi bu rolni o‘ziga xos tarzda ekranda gavdalantirdi.

Jan Reno – Leon

Dumaloq qora ko‘zoynak, trikotaj shlyapa va palto — mazkur obraz taniqli va shubhasiz, unutilmasdir. Lyuk Besson va Jan Renoning ijodiy ittifoqi natijasida jahon kinematografiyasining eng ajoyib kriminal dramalaridan biriga aylandi va Leon roli Jan Reno uchun Gollivud eshigini ochdi.

Tom Xenks — Forrest Gamp

Tom Xenks noyob iste’dod egasi — uning ishtirokidagi filmlar hissiyotlarga to‘la. “Forrest Gamp” buning tasdig‘i sifatida eng yaxshilaridan biridir. O‘z hayoti haqida so‘zlab bergan sodda yigitning hayot hikoyasi har gal qalb tubiga yetib boradi — kuldiradi, yig‘latadi, hamdardlik va tashvish uyg‘otadi.

Kolin Fert — janob Darsi

Jeyn Ostinning “G‘urur va andisha” romani 1995-yildagi haqiqiy klassik televizion versiyasidan oldin ham, keyin ham suratga olingan. Biroq Kolin Fert ijrosidagi janob Darsi roli qoyilmaqom tarzda gavdalantirilgan.

Mavzuga doir:

• Tasodifmi yoki ko‘chirma? “Uenzdey” seriali voqealari mashhur filmlarni yodga solmoqda
• 2023-yilda shov-shuvli muhokamalarga sabab bo‘lishi kutilayotgan yangi filmlar
• “Cheburashka” yana ekranlarga qaytdi, ammo butunlay boshqa sujet bilan — endi Gena timsoh emas