Hozirgi kunda kino va televideniyeda grimm va turli usullar yordamida aktyorning qiyofasini tanib bo‘lmas darajada o‘zgartira oladigan iste’dodli vizajistlar ishlaydi. Biroq ba’zi mashhurlar hali ham obraziga moslashishni afzal ko‘rishadi va buning uchun ular ozishga, kal bo‘lishga yoki qoshlarini qirdirishga ham tayyor.
Tomas Brodi-Sangster — “Superqahramonning o‘limi” (2011)
Superqahramonning o‘limi – og‘ir kasal bo‘lgan 15 yoshli Donald Klark haqidagi drama. Bu obrazni o‘ynash uchun Tomas Brodi-Sangster sochini oldirib, qoshlarini butunlay qirib tashlaydi.
Kameron Dias — “Jon Malkovich bo‘lish” (1999)
“Niqob” (1994) filmidagi debyutidan ko‘p o‘tmay, Kemeron Dias “Jon Malkovich bo‘lish” filmida Lotti Shvarts rolini o‘ynaydi. Film uchun Dias butunlay boshqa qiyofaga kiradi — quyuq jingalak sochlar, jigarrang ko‘zlar va minimal darajadagi makiyaj.
Tom Xenks — “Filadelfiya” (1993)
“Filadelfiya” OITS bilan kasallanganligi ma'lum bo‘lganidan keyin ishdan bo‘shatilgan advokat haqida. Endryu Bekket roli uchun Xenks 12 kilogramm yo‘qotadi va bu mukofotlanmay qolmaydi. Bu roli uchun u “Oskar”ni qo‘lga kiritadi.
Maykl Fassbender — “Ochlik” (2008)
“Ochlik” — o‘limga hukm qilingan mahbuslar haqidagi tarixiy drama. Bobbi Sands roli uchun esa Maykl Fassbender 16 kg vazn yo‘qotishi kerak edi. “300 spartalik” (2006) filmida uning mushakdor gavdasini eslaganlar, ayniqsa, transformatsiyadan hayratda qolishadi.
Emma Tompson — “Epilog” (2001)
Emma Tompson tom ma’noda tanib bo‘lmaydigan darajada o‘z qahramonlariga qanday aylanishni biladigan aktrisadir. Biroq 2001-yilda u tub o‘zgarishlar qilishga qaror qildi: aktrisa “Epilog” filmida tuxumdon saratoni bilan kasallangan ingliz adabiyoti professori Vivien Bering rolini o‘ynash uchun sochini oldirib, qoshlarini oqartirdi.
Xoakin Feniks — “Joker” (2019)
“Joker” filmining bosh qahramonini o‘ynash uchun Xoakin Feniks 23 kiloga ozishi kerak edi. Vazn yo‘qotish paytida sog‘lig‘ini yo‘qotmaslik uchun u hatto tibbiy yordamga ham murojaat qiladi.
Zak Efron yaqinda ekranga chiqishi kutilayotgan “Temir tirnoq” filmida
Ushbu filmda Zak Efron sobiq professional kurashchi Kevin Von Erich rolini ijro etadi. Kartina hali suratga olinayotgan bo‘lsa-da, Zakni allaqachon kelishgan qomati va yangi soch turmagida ko‘rishgan.
“Iflos raqslar” yulduzi Jennifer Greyning roli uchun o‘zgarishi
Ijtimoiy tarmoqdagi sahifasida Jennifer yangi filmi — Gwen Shamblin: Starving for Salvation kadrlarini joylashtirdi, u bosh rolni o‘ynagan mazkur film hali ekranlarga chiqmagan.
Mavzuga doir:
Izoh (0)