Нега Украина ва унинг иттифоқчилари фронтга танклар етказиб беришни муҳокама қилиш жараёнида Германиянинг «Леопард 2» танклари ҳақида гапирмоқда? BBC мухбири Жеймс Уотерхаус бунга изоҳ берди.
«Леопард» дунёдаги энг яхши жанговар машиналардан бири ҳисобланади. Бундан ташқари, у совет Т-72 танкига рақобат тарзда ишлаб чиқилган. Уотерхаус Украинанинг мазкур танкка бўлган эҳтиёжининг учта сабабни келтириб ўтади.
«Биринчидан, Европа мамлакатларида «Леопард 2» жуда кўп бўлиб, тахминан уларнинг сони уч мингга яқинлашади. Иккинчидан, улардан фойдаланиш бошқа танкларга нисбатан анча осон. «Леопард»лар Европанинг 13 та давлатида мавжуд бўлиб, бу мазкур танкларнинг эҳтиёт қисмлари ва ўқ-дорилари етарли эканидан далолат беради. Учинчидан, «Леопард» совуқ уруш даврида совет Т-90 га рақиб сифатида яратилган бўлиб, Россия армиясида мазкур совет танклари етарлича», — таъкидлайди BBC мухбири.
Польшанинг собиқ мудофаа ўринбосари, генерал Валдемар Скшипчак ҳам ўз фикрлари билан ўртоқлашди.
«Асл касбим — танкчи. Мен «Леопард 2» танклари бригадасини ўз ичига олган дивизияга қўмондонлик қилганман. Айтишим мумкинки, «Леопард» деярли мукаммал қурол. Бу машиналар самарали ўт ўчириш ва ҳаракатланиш имкониятини беради. Ушбу танклар билан тўқнашувда Россиянинг «Армата», Т-14 танклари мағлубга учрайди», — дейди Скшипчак.
Украинадаги уруш: Германия қандай ёрдам кўрсатмоқда?
Федерал ҳукумат ҳар ҳафта Украинага берилган қуроллар рўйхатини янгилаб туради.
5 январь куни Германия Украинага янги ҳарбий ёрдам пакетини топширди, унинг ичига ракета тизимлари, учувчисиз учиш аппаратлари ва дронларга қарши мудофаа тизими киради.
6 январь куни Германия Украинага ўз захираларидан Patriot зенит-ракета мажмуасини юбориши маълум бўлди.
Айни пайтда ОАВлар канцлер Олаф Шольцга Украинага оғир қуролларни топшириш бўйича Германиядаги сиёсий иттифоқчилар томонидан босим кучайиб бораётгани ҳақида ёзмоқда.
20 январь куни Германиянинг Рамштейн шаҳридаги Америка ҳарбий базасида Ғарб иттифоқчиларининг Украина бўйича алоқа гуруҳи доирасидаги навбатдаги учрашув бўлди. Унда Пентагон АҚШнинг Abrams танклари ҳозирча Украинага берилмаслиги, аммо Европа Иттифоқининг кўплаб давлатлари Леопард танкларини беришга рози бўлганини таъкидлади.
Словакия ва Чехия Украинага 30 та немис «Леопард 2» танкини — ойига 2 та танк беришга келишиб олди. Бунинг эвазига мазкур давлатлар Германиядан камроқ миқдорда «Леопард 2А4» танкини олади.
Изоҳ (0)