Putin qarorgohi atrofida havo hujumidan mudofaa tizimi o‘rnatildi (video)
Moskvada Rossiya prezidenti Vladimir Putinning Novo-Ogaryovodagi qarorgohidan atigi 10 kilometr uzoqlikda “Pantsir-C1” havo hujumidan mudofaa tizimi o‘rnatildi. “Sirena” Telegram kanali bu haqda ma’lumot berdi.
Avvalroq Rossiya Mudofaa vazirligi binosi tomiga havo hujumiga qarshi mudofaa tizimi o‘rnatilgan, keyinchalik bu tizim boshqa obyektlarda ham qayd etilgan. Jumladan, “Gazprom Avi” harbiy va biznes aeroporti joylashgan “Ostafyevo” aerodromidan 2 kilometr uzoqlikda “Pantsir-C1” tizimi o‘rnatilgan.
Havo hujumidan mudofaa tizimi Voskresenskoye qishlog‘i yaqinida ham qayd etilgan. Putinning Novo-Ogaryovodagi qarorgohidan atigi 10 kilometr uzoqlikdagi Zarechye qishlog‘i yaqinida ham mudofaa tizimi aniqlangan.
Ijtimoiy tarmoqlarda Moskva yaqinida jami beshta havo mudofaa tizimi o‘rnatilgani, ulardan faqat bittasi faollashgani ta’kidlanadi.
“Pantsir-C1” — bu Rossiyaning quruqlikda va dengizga mo‘ljallangan o‘ziyurar zenit-raketa va qurol tizimi. Kompleks SSSR va Rossiya harbiy-sanoat kompleksining bir qator tuzilmalari tomonidan ishlab chiqilgan.
Mavzuga doir:
- Rossiya Engels aerodromidan samolyotlarini ko‘chirdi. Britaniya razvedkasi buning oqibatini ma’lum qildi
- Aerodromga hujum Rossiyaning Ukrainaga zarba berishini qiyinlashtirishi mumkin — NYT
