“E.tender.uzex” portalida 11-yanvar kuni Farg‘ona shahar Obodonlashtirish boshqarmasi tomonidan 14 285 ta xrizantema guli yetkazib berish bo‘yicha tender e’lon qilindi. Komissiyaning bir hafta davom etgan kuzatuvlaridan so‘ng Axunov Tojiali Turdaliyevich dehqon xo‘jaligi tender g‘olibi deb topildi.
Hujjatga ko‘ra, 20-30 santimetr uzunlikdagi mavsumiy gulni yetkazib berish bo‘yicha tenderga Xo‘jayeva Dilfuza Ahmadaliyeva raislik qilgan. Lotni yutish uchun ikkita tadbirkorlik subyekti raqobat qilgan.
Tender so‘ngida komissiya a’zolarining umumiy baholariga ko‘ra, Axunov Tojiali Turdaliyevich dehqon xo‘jaligi maksimal 100 ball bilan g‘alaba qozongan. Shartnoma qiymati — 492 million 832 ming 500 so‘m.
Madad Empire Develop MCHJ esa zaxira yetkazib beruvchi sifatida ko‘rsatilgan.
Izoh (0)