“Э.тендер.узех” порталида 11 январь куни Фарғона шаҳар Ободонлаштириш бошқармаси томонидан 14 285 та хризантема гули етказиб бериш бўйича тендер эълон қилинди. Комиссиянинг бир ҳафта давом этган кузатувларидан сўнг Ахунов Тожиали Турдалиевич деҳқон хўжалиги тендер ғолиби деб топилди.
Ҳужжатга кўра, 20-30 сантиметр узунликдаги мавсумий гулни етказиб бериш бўйича тендерга Хўжаева Дилфуза Аҳмадалиева раислик қилган. Лотни ютиш учун иккита тадбиркорлик субъекти рақобат қилган.
Тендер сўнгида комиссия аъзоларининг умумий баҳоларига кўра, Ахунов Тожиали Турдалиевич деҳқон хўжалиги максимал 100 балл билан ғалаба қозонган. Шартнома қиймати — 492 миллион 832 минг 500 сўм.
Мадад Empire Девелоп МЧЖ эса захира етказиб берувчи сифатида кўрсатилган.
Изоҳ (0)