Jizzax viloyatining Sharof Rashidov tumanida soxta hujjatlar orqali 1,6 milliard so‘m mikroqarzni o‘zlashtirgan shaxslar aniqlandi.
Bosh prokuratura huzuridagi departamentning Sharof Rashidov tuman bo‘limi tomonidan fuqarolarning murojaatlariga asosan o‘tkazilgan tergovga qadar tekshiruvda aniqlanishicha, fuqaro Sh.A. va boshqalar “J” MCHJda ishlamagan 59 nafar fuqaro nomiga soxta hujjatlarni rasmiylashtirish orqali bank muassasasidan jami 1,6 milliard so‘m mikroqarz olishga erishib, mablag‘larni firibgarlik yo‘li bilan o‘zlashtirgan.
Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir: Farg‘onada hokim yordamchisi soxta hujjatlar orqali kredit mablag‘larini talon-toroj qilgani aniqlandi
Izoh (0)