“Roma” hujumchisi Eldor Shomurodov rimliklar safini tark etishga yaqin turibdi.
Janluka di Marsio xabariga ko‘ra, o‘zbekistonlik futbolchi uchun “Lill” klubi ham kurashga qo‘shilgan. Fransuz klubi “Roma”ga Shomurodov borasida so‘rov yuborishga tayyorlanmoqda. Qayd etilishicha, “Lill” transfer uchun 13—14 million yevro ajratishga tayyor
Avvalroq 27 yoshli futbolchi “Torino” bilan kelishuvga erishgani xabar qilingandi. Jamoalar esa transfer borasida kelisha olmayapti: rimliklar Eldorni to‘liq transfer qilishni istayapti, Turin klubi esa uni ijaraga olmoqchi.
Shomurodovning o‘zi ham A Seriyada qolishni ma’qul ko‘ryapti. Biroq “Roma”ning xohishi fonida Lill shahri jamoasi futbolchi uchun asosiy favoritlardan biriga aylanadi.
Izoh (0)