«Рома» ҳужумчиси Элдор Шомуродов римликлар сафини тарк этишга яқин турибди.
Жанлука ди Марцио хабарига кўра, ўзбекистонлик футболчи учун «Лилл» клуби ҳам курашга қўшилган. Француз клуби «Рома»га Шомуродов борасида сўров юборишга тайёрланмоқда. Қайд этилишича, «Лилл» трансфер учун 13—14 миллион евро ажратишга тайёр
Аввалроқ 27 ёшли футболчи «Торино» билан келишувга эришгани хабар қилинганди. Жамоалар эса трансфер борасида келиша олмаяпти: римликлар Элдорни тўлиқ трансфер қилишни истаяпти, Турин клуби эса уни ижарага олмоқчи.
Шомуродовнинг ўзи ҳам А Серияда қолишни маъқул кўряпти. Бироқ «Рома»нинг хоҳиши фонида Лилл шаҳри жамоаси футболчи учун асосий фаворитлардан бирига айланади.
Изоҳ (0)