“Yuventus” klubiga yangi prezident va direktorlar tayinlandi.
18-yanvar kuni Turinda “Yuventus” aksiyadorlari yig‘ilishi bo‘lib o‘tdi. Unda direktorlar kengashiga yangi a’zolar tayinlangan.
“Yuventus”ning 63,8% aksiyasiga egalik qiladigan Exor kompaniyasi tomonidan taqdim etilgan ro‘yxat bo‘yicha direktorlar kengashi a’zolari tayinlangan. Ular: Fioranna Vittoriya Negri, Mauritsio Skanavino, Janluka Ferrero, Diyego Pistone va Laura Kapyello.
Italiyalik tadbirkor Janluka Ferrero “Yuventus”ning yangi prezidentiga aylandi, Skanavino esa ijrochi direktor lavozimida ishlaydi.
Avvalroq “Yuventus”ning sobiq prezidenti Andrea Anyelli, sport direktori Pavel Nedved va rahbarlar iste’foga chiqqandi. Ular hisobotlardagi qoidabuzarliklar va budjetni taqsimlashdagi muammolar bois prokuratura tomonidan tergov qilinayotgani aytilgandi.
Izoh (0)