Toshkent shahri ko‘chalaridan tozalangan qor uyumlari Bo‘rijar kanaliga tashlanayotgani ma’lum bo‘ldi. Tabiat resurslari vazirligi holat yuzasidan munosabat bildirdi.
Davlat inspektorlari tomonidan tezkor o‘rganishlar o‘tkazilib, poytaxt ko‘chalaridan tozalangan qorlarni belgilanmagan hududlarga joylashtirish holatlari to‘xtatilgan. Vazirlikning maxsus analitik laboratoriyasi jalb etilib, tahlil uchun ifloslangan qorlardan namunalar olingan.
O‘rganish davomida tegishli tashkilotlarning xodimlari o‘rtasida tushuntirish ishlari olib borilgan. Kelgusida tozalash ishlarida hosil bo‘ladigan qor va muzlarni belgilangan chiqindi poligonlariga chiqarish va joylashtirish bo‘yicha ko‘rsatmalar berilgan. Ushbu holat yuzasidan laboratoriya tahlil natijalariga ko‘ra, qo‘shimcha ma’lumot berilishini ma’lum qilinadi.
Mavzuga doir: Qashqadaryoda muz erishi oqibatida kanal suvi toshdi
Izoh (0)