Тошкент шаҳри кўчаларидан тозаланган қор уюмлари Бўрижар каналига ташланаётгани маълум бўлди. Табиат ресурслари вазирлиги ҳолат юзасидан муносабат билдирди.
Давлат инспекторлари томонидан тезкор ўрганишлар ўтказилиб, пойтахт кўчаларидан тозаланган қорларни белгиланмаган ҳудудларга жойлаштириш ҳолатлари тўхтатилган. Вазирликнинг махсус аналитик лабораторияси жалб этилиб, таҳлил учун ифлосланган қорлардан намуналар олинган.
Ўрганиш давомида тегишли ташкилотларнинг ходимлари ўртасида тушунтириш ишлари олиб борилган. Келгусида тозалаш ишларида ҳосил бўладиган қор ва музларни белгиланган чиқинди полигонларига чиқариш ва жойлаштириш бўйича кўрсатмалар берилган. Ушбу ҳолат юзасидан лаборатория таҳлил натижаларига кўра, қўшимча маълумот берилишини маълум қилинади.
Мавзуга доир: Қашқадарёда муз эриши оқибатида канал суви тошди
Изоҳ (0)