Xalqaro yo‘nalishlardagi avtobus qatnovlari qayta tiklandi

Transport vazirligi 19-yanvardan xalqaro yo‘nalishlardagi muntazam avtobus qatnovlari qayta tiklanishini ma’lum qildi.

Ma’lum bo‘lishicha, ob-havo sharoiti hamda harakat yo‘nalishi bo‘ylab avtomobil yo‘llaridagi mavjud vaziyatdan kelib chiqib tegishli qaror chiqarilgan.

19-yanvar kuni “Toshkent” avtovokzalidan xalqaro yo‘nalishlarda amalga oshiriluvchi avtobus qatnovlari ro‘yxati:

• 12:00 | Toshkent—Moskva chipta narxi 1 011 000 so‘m;
• 16:00 | Toshkent—Olmaota chipta narxi 200 000 so‘m;
• 16:00 | Toshkent—Ostona chipta narxi 361 000 so‘m;
• 17:00 | Toshkent—Turkiston chipta narxi 111 000 so‘m;
• 18:00 | Toshkent—Qizilo‘rda chipta narxi 161 000 so‘m;
• 18:00 | Toshkent—Olmaota chipta narxi 200 000 so‘m;
• 18:00 | Toshkent—Bishkek chipta narxi 261 000 so‘m.