Dastavval, qancha miqdordagi qahva kunlik iste’mol qilish uchun me’yor ekanini aniqlab olamiz.
O‘zingizni mustaqil ravishda davolamang!Aksar odamlar ertalabni bir chashka qahva bilan boshlaydilar. Bu uyquni ochishga, kayfiyatni ko‘tarishga va o‘zingizni yaxshi his qilishga yordam beradi. Ammo muntazam qahva ichishda ehtiyotkorlik zarar qilmaydi: qahva sog‘liqqa zarar bo‘lishi ham mumkin. Qahvaga haddan tashqari qaram ekanligingizni qanday tushunish lozim, deb yozadi “Medik Forum”.Maqolalarda biz eng so‘nggi ilmiy ma’lumotlar va sog‘liqni saqlash bo‘yicha nufuzli mutaxassislarning fikrlarini to‘playmiz. Ammo esda tuting: faqat shifokor tashxis qo‘yadi va davolaydi.
Kuniga qancha qahva ichish kerak?
Qahva tarkibida ko‘plab biologik faol birikmalar, jumladan, kofein mavjud. Bir stakanda taxminan 100 milligramm ushbu modda mavjud. Tadqiqotchilar 400 milligramm kofeinni xavfsiz doza deb hisoblashadi. Ya’ni qo‘rqmasdan kuniga to‘rt stakan miqdorda qahva ichishingiz mumkin. Bir martalik kofein 200 milligrammdan oshmasligi kerak.
Kamroq qahva ichish kerakligini qayerdan bilamiz?
Mutaxassislarning barchasi qahva ichishni kamaytirish yoki uni bir muddat butunlay tark etish vaqti kelganligini ko‘rsatadigan to‘rtta alomatni aniqladilar. Jumladan:
- Oshqozonda zarda qaynashi. Buning sababi kofein pastki qizilo‘ngach sfinkterini bo‘shashtiradi. Bu, o‘z navbatida, oshqozon kislotasining qizilo‘ngachga kirishiga yo‘l ochadi.
- Uyqu bilan bog‘liq muammolar. Sizga uyquga yotishdan taxminan olti soat oldin qahva ichishni to‘xtatishingiz tavsiya etiladi. Bu yaxshi dam olishni ta’minlaydi.
- Abstinentlik sindromi. Boshqacha qilib aytganda, bu qahvaga qaramlik. Agar siz ushbu ichimliksiz kun qandaydir har doimgidek ketmayotganini his qilsangiz, demak, sizda bunga odat paydo bo‘lgan. Undan qadamma-qadam xalos bo‘lish kerak: qahvaga qaramlik butunlay yo‘qolguncha iste’mol qilinadigan kofein dozasini sekin-asta kamaytirib boring.
- Ortiqcha vazn to‘plash. Qahva to‘yimlilik hissini keltirib chiqaradi. Shuning uchun bu ichimlikdan bir finjon ichgan odam to‘liq ovqatlanishdan bosh tortishi mumkin. Biroq, to‘yinganlik hissi yo‘qolganda, keskin ochlik seziladi va bu ko‘pincha me’yordan ko‘p ovqatlanish va vazn ortishiga olib keladi.
Izoh (0)